Publikohet video që tregon konfliktin mes këngëtares “Maja” dhe bashkëshortit të saj, Arben Shuaipi, ku shkak është bërë ndarja e pasurisë dhe kujdestaria e fëmijës.
Në videon e publikuar dallohet bashkëshorti i Majës teksa filmon dhe e paralajmëron atë që të largohet nga banesa pasi pretendon është në shkelje të ligjit dhe me urdhër-mbrojtjeje.
Burri i saj arkitekt pretendon se dy vilat janë në bashkëpronësi dhe duhet të përpjesëtohen. Ndërsa këngëtarja e muzikës popullore pretendon se të dyja vilat i përkasin asaj.
Në video dallohen edhe dy efektivë të Policisë së Shtetit. Policët u kërkojnë palëve të qetësojnë situatën dhe kryejnë shoqërimin e tyre në rajonin e policisë për të bërë denoncimet përkatëse.
Gjykata e Tiranës ka firmosur disa ditë më parë një urdhër mbrojtje për këngëtaren e muzikës popullore Maja, e njohur me emrin Maya Aliçkaj, por që emrin në letra e ka Fatbardha Ulbrich.
Vendimi ka ardhur pasi këngëtarja vlonjate ka paditur për ushtrim dhune bashkëshortin e saj, arkitektin Arben Ulbirch (Arben Shuaipi).
Shuaipi urdhërohet nga gjykata që të mos i afrohet këngëtares Maja në një perimetër prej 200 metrash dhe as vilës së tyre në Mullet.
Gjithashtu, Arben Shuaipi urdhërohet të marrë pjesë në programe rehabilitimi psikosociale pas dhunës së ushtruar ndaj këngëtares.
Ka dyshime që pas lëvizjes së këngëtares mund të qëndrojnë edhe plane apo skenare për interesa pasurore.
