Politikanëve të korruptuar dhe që kanë futur duart në pasurinë e shqiptarëve duket se i presin ditë të vështirë.
Shumë pushtetarë shqiptarë kanë pasuri përrallore të fshehura jashtë vendit, sikundër është një rast që e ka dendura edhe gazeta pak kohë më parë që ka rreth 80 milonë euro në bankat e Anglisë, ndërsa ka edhe politikanë që kanë investuar shumë edhe në prona e pasuri të paluajtshme.
Ndërkohë ka edhe nga ata që kanë fëmijët jashtë, të cilit jetojnë dhe shkollohen në shkollat më të mira të Europës dhe Shteteve të Bashkuara të Amerikës. Njëri prej politikanëve që ka fëmijët jashtë dhe konkretisht në Britaninë e Madhe është presdineti Ilir Meta.
Nëse shohim deklarimet ndër vite të pasurisë të zonjës Kryemadhi, e sidomos ato të vitit 2017, rezulton se kryetarja e LSI dhe presidenti Meta shpenzojnë 140 mijë pafund ose 160 mijë euro për të shkolluar fëmijët në Londër.
Por teksa Kryemadhi përlotet nëpër studio televizionesh dhe flet për kërcënime, në fakt të tre fëmijët e saj po i arsimon jashtë vendit. Kjo duket si një tentativë e kryetares së LSI-së për t’u hedhur hi syve shqiptarëve, të cilët tashmë e kanë të qartë dhe e dinë shumë mirë se ajo dhe presidenti Ilir Meta fëmijët e vet i kanë larguar nga vendi ynë dhe i kanë dërguar në Angli për një jetë më të mirë.
Londra sanksione ndaj politikanëve të korruptuar
Megjithatë, shpenzimet pa kriter dhe pasuritë që pushtetarët shqiptarë kanë jashtë vendit kanë vënë në alarm partnerët tanë ndërkombëtarë. Ka qenë ish-ambasadori Britanik në Tiranë, Duncan Norman, i cili paralajmëroi sanksione për zyrtarët shqiptarë të korruptuar.
Norman është rikthyer në Shqipëri, këtë herë jo me “kostumin” e diplomatit, por drejton një projekt të qeverisë britanike që ka në fokus luftën kundër korrupsionit dhe krimit të organizuar. Ai deklaroi gjatë një intervistë për “Neës 24” se synimi është të shkëputen lidhjet e krimit me politikën.
“Ne po punojmë me autoritetet shqiptare, me median dhe shoqërinë civile. Po ka disa ngjashmëri me atë që kanë bërë Shtetet e Bashkuara të Amerikës, por në fakt ne kemi një qasje më ndryshe. Ajo që ne duam të bëjmë është të jemi sa më shumë bashkëpunues, dhe unë mendoj se kjo është e rëndësishme.
Ndoshta kemi edhe qëllime të ndryshme me atë që ka sistemi amerikan. Po ne kemi disa opsione për t’i përdorur, psh është ligji që ka lidhje me emigracionin, ekzistojnë procedura që i përjashton disa njerëz të futen në Mbretërinë e Bashkuar.
Por kemi edhe mënyra të tjera që kanë të bëjnë me ngrirjen e aseteve për ata persona që mbajnë lidhje të tilla pra mes politikës dhe krimit të organizuar. Ne mund ta bëjmë këtë, por kjo do ishte vetëm një pjesë e historisë, ne duam atë pjesën me të madhe të historisë, ku të bëjmë ndryshime thelbësore”, deklaroi ai.
Ish-ambasadori britanik: Do i ofrojmë SPAK dhe BKH prova
Më tej ish-ambasadori Britanik në Tiranë, Duncan Norman thekson se Britania e Madhe është e vendosur për të bashkëpunuar me Prokurorinë Speciale dhe Byronë Kombëtare të Hetimit, duke i vënë në dispozicion prova për pushtetarët e korruptuar dhe krimin e organizuar, që disponojnë pasuri në Angli.
“Mendoj se jam ende një diplomat! Por vërtetë jam i kënaqur që mund të flas pak më shumë në lidhje më ketë temë. Ajo që ne dimë është se grupet shqiptare të krimit të organizuar kanë një impakt të madh në Mbretërinë e Bashkuar. E kemi diskutuar shpesh këtë edhe në të kaluarën në kohën që unë isha diplomat në vendin tuaj.
Ne e dimë që grupet kriminale janë të vështira për t’u ndaluar apo kapur si nga agjencitë e zbatimit të ligjit në Shqipëri, por edhe në Angli. Kemi vështirësi për t’i kapur këto grupe, dhe një nga arsyet është se ata kanë mbështetje nga politika.
Ajo që ne po përpiqemi të bëjmë me këtë projekt është puna e përbashkët me autoritetet shqiptare, me sistemin e drejtësisë, me organet e reja të drejtësisë siç është SPAK dhe Byroja Kombëtare e Hetimit, me shoqërinë civile dhe me gazetarët investigativë.
Qëllimi është të punojmë së bashku për të parë sesi mund t’i shkëpusim këto lidhje dhe për ta bërë sa më pak të pranueshme që politika dhe krimi të bashkëpunojnë kështu si po ndodh aktualisht”, nënvizoi ish-ambasadori Britanik në Tiranë, Duncan Norman.
