Pas përfundimit të protestës dhe xhiros para Kryeministrisë militantët e dy partive ikën në shtëpi, kurse Ilir Meta vazhdon ta mbajë të karrikuar elektoratin e tij me shpresën imagjinare të “Rrëzimit të qeverisë”.
“Ditën e hënë do të jemi përpara Kuvendit. Protesta në mënyrë të vazhdueshme të qëndrueshme dhe Edi Rama e ka prerë biletën pa kthim. Ne do të jemi në çdo protestë deri në largim përfundimtar të Edi Ramës dhe deksitit të rilindjes dhe i bëjmë thirrje socialistëve të ndershëm që të braksitin këtë që po shpopullon vendin, po varfëron çdo familje shqiptare”, tha Meta.
Pamje me DRON me siguri ishin dëshpëruese për Sali Berishën dhe Ilir Metën pasi qytetarët kanë refuzuar të dalin në protestë e cila kishte një numër të ulët pjesëmarrësish. Militantët dhe simpatizantët e PD-PL kanë mbushur sheshin deri tek ura e Piramidës, më pas ka një pakicë të vogël pjesëmarrësish që janë shpërndarë në Bulevard për të krijuar imazhin e një pjesëmarrje masive.
