Vazhdojnë qokat e fundit të një strukture gangrenë në drejtësi KLD të cilës i ka mbaruar mandati por qëndron në këmbë falë gjykatësve të korruptuar te larguar nga vetingu duke krijuar boshllëqe dhe pamundësi për të krijuar strukturat e reja si KLP dhe KLGJ
KLD pak ditë më parë la në detyrë 16 gjyqtarë dhe mes emra që votuan kishte dhe nga ata që u ka mbaruar mandati. Kjo duket se e minon akoma dhe më tepër procesin e vendimmarrjes. Kjo vendimmarrje solli pak ditë më parë dhe reagimin e SHBA dhe të BE. DASH në raportin vjetor të 2017 deklaroi se KLD po mban në detyrë njerëz të korruptuar.
Ndërkohë dhe EURALIUS ishte në të njëjtën linjë. Por pavarësisht kritikave të tyre, anëtarët e KLD dje sërish kanë vijuar në linjën e tyre, duke mbrojtur kolegët, teksa vetingu po afron. Në mbledhjen e 7 majit, KLD refuzoi shkarkimin e 3 gjyqtarëve.
Ministria e Drejtësisë kërkoi shkarkimin e Petraq Curri, pasi në raport thuhej se ai shkeli ligjin në një proces ekstradimi, por nga hetimet e KLD ka rezultuar se ky vendim nuk është dhënë nga Curri, por nga një tjetër gjyqtar dhe nuk ka pranuar shkarkimin. Një tjetër gjyqtar për të cilin kërkohej shkarkimi është gjyqtari i Fierit, Ergys Selmani, i cili ishte gjyqtari që vonoi zbardhjen e urdhrit të mbrojtjes të shtetases Liljana Ruka që u vra më pas nga bashkëshorti i saj.
Ndaj tij u vendosa masa disiplinore “Vërejtje”. Po ashtu ministria e Drejtësisë u refuzua dhe për masën e kërkuar për gjyqtarin administrativ të Vlorës, Ken Dhima. Ndaj këtij të fundit ka qenë ILDKP fillimisht që ka vënë re parregullsi në pasuri dhe më pas ka qenë ish-ministri Nasip Naço që ka kërkuar procedim disiplinor. Të gjithë ja hodhën paq dhe KLD me Metën kryetar nuk po mban asnjë përgjegjësi për kaosin në drejtësi megjithse disa nga gjyqtarët e mbrojtur nga ajo i ka shkarkuar vetingu dhe shumë shpejt mund të ndiqen penalisht.
