Një delirant që u ka ngelur akoma në derë shqiptarëve, me të gjitha marrëzitë e tij, nuk pushon së lehuri, deri kur drejtësia ta dërgoi aty ku e ka vendin, për krimet që ka bërë ndër vite me apo pa pushtet, Ilir Meta(j).
Nga Anri Bala
Për Metën, “shqiptarët duhet të ngrihen në protestë, që Shqipëria mos të kthehet në një vend konglomerat emigrantësh”?! Se çfarë kupton ky analfabet i çuditshëm që ka qenë dhe president, vetëm ky e di… sepse emigrantët janë njerëz nga kombësi dhe vende të ndryshme dhe si të tillë, nuk janë bashkim mekanik dhe i dobët qeniesh… por janë njerëz që i bashkon halli.
Por, është çmenduri që një derdimen si specie në zhdukje, edhe në Skrapar, të kërkoj që “e gjithë Shqipëria duhet të ngrihet në protestë, në mënyrë që ky të mos jetë më një vend konglomerat emigrantësh, të huajsh dhe ku mos flitet më as gjuha Shqipe”.
Slogani i tij dhe ksenofobëve të Berishës të tipit Këlliçi me shokë, me të njëjtën armë… të protestojnë që Shqipëria mos të pushtohet nga afrikanoveriorët, është i turpshëm dhe na bënë një vend racist, gjë që nuk është aspak e vërtetë.
Këta politiqen ksenofob, guxojnë duke harruar se nga janë dhe kush janë, se europiano perëndimorëve u detyrohen gjithçka. Vetëm Italia ka strehuar dhe trajtuar afro 1 milion shqiptarë dhe kurrë nuk pamë as partitë nacionaliste të ekstremit të djathtë, të guxonin të protestonin. Ndërsa sharlatanët e Shqipërisë “së pastër, që u rrezikohet gjuha dhe identiteti” nga ca qytetar tranzit afrikan, do bëjnë revolucion! Këta të çmendur nuk duhen lejuar të livadhisin por duhen dërguar para drejtësisë.
Madje, është e çuditëshme kur dëgjon dhe debatet qesharake që bëjnë nëpër media disa klloun, që jetojnë si emigrant por hiqen si komunitarë, sepse kanë përfituar azil dhe pasaport. Kjo është pjesa më e turpshme, sepse shumë nga këto qytetar afrikan, pas disa vitesh do kenë fatin e këtyre ish emigrantëve, që për fatin e tyre ose për strategjinë e tyre të azilit… kanë përfituar shtetësi.
Sjellja e këtyre sharlatanëve është ksenofobi dhe diskriminim i pastër racor dhe duhet ndaluar ligjërisht propaganda e ndyrë antiazilantë, që bëhet në media e kudo ku ndyjnë shoqatat e gjakprishurve, që sapunin duan t’ua ofrojnë për djathë qindra mijëra shqiptarëve, që Europa edhe bota ndoshta i kam marrë gjithçka nga rinia apo mundi, por nuk ka harruar t’i shpërblei mundin dhe sakrificën e tyre./Ekskluzive.al
