Kryeministri Edi Rama i është rikthyer sërish deklaratave të drejtuesit politik të PD në Elbasan, Tomor Alizoti, i cili pak ditë më parë paralajmëroi që “të mos prekin votën pasi do ti hanë të gjallë”.
Nga Librazhdi, Rama e nisi fjalën duke ironizuar se “kishte ardhur me shumë frikë”.
“Kam ardhur me shumë frikë dhe gati gati isha duke u kthye prapësht se ka dalë njëri që do na hajë të gjallë. Nuk e shoh gjëkundi atë.
Sot kemi edhe një takim të madh përmbyllës në Elbasan dhe ju falenderoj që jeni kaq shumë këtu se, duke ju parë kaq shumë edhe mua më del pak frika se ai kur thotë do hamë, ai ha me gjithë mend”, tha Rama.
