Kryeministri Rama ka udhëtuar sot drejt Torinos për të ndjekur në “Allianz Stadium” ndeshjen mes Juventusit dhe Lazio-s.
Në story-n e tij në Instagram Rama ka publikuar një video teksa po bisedon me presidentin e Juventusit Agnelli.
Kujtojmë që pak orë më parë Partia Demokratike përmes deputetit të Partisë Demokratike, Edi Paloka ka akuzuar Ramën se ka udhëtuar me avion Charter vetëm për të parë ndeshjen duke shpenzuar para’.
“Pak minuta më parë, ekzaktësisht me 13.44, Kryeministri i vendit më të varfër në Europë, pasi ka mbërritur në aeroportin e Rinasit nga Vlora me helikopter Cougar, është nisur për në Torino me një charter të Serbisë YUBTB. Arsyeja; ndeshja Juventus-Lazio që zhvillohet në orën 18.00. Kushdo që e ka mundësinë, gazetarë ose jo, le ta verifikojë”, shkruante Paloka.
Por i menjëhershëm ka qenë reagimi i Endri Fugës Drejtorit për median pranë Kryeministrisë, i cili e pohoi se Edi Rama kishte shkuar të shikonte Juven i ftuar nga Agneli me një Charter të porositur nga Agneli për Igli Taren, posaçerisht për të, për tu kthyer në detyrë, pas disa ditë pushimesh në Jug të Shqipëriasë.
