Kryeministri Edi Rama, i është përgjigjur kryetarit të opozitës, Lulzim Basha, i cili kërkoi vetting për politikanët. Më shumë se sa pranim të sfidës, Rama ka “kërcënuar” opozitën, se vettingu nuk mund të bëhet vetëm për të dhe familjen e tij, por duhet edhe për familjen Meta, familjen Basha, Berisha e me rradhë.
Rama tha se pranon që të bëhet vetting ndaj tij dhe familjes së tij, gruas, fëmijëve apo baxhanakut.
“Unë them që çdo instrument, i ri i mundshëm që bën transparencë, për mua për gruan time, për tokat e gruas time, për pallatin e gruas time, për tenderat e baxhanakut tim, për kunatin, për fëmijët e mi, është një instrument që mund të na vlejë.”
“Unë, presidneti, kryetari i opozitës, kunati i kryetarit të opozitës, gruaja e kryetarit të opozitës, vjehrri, vjehrra ime. Kryeministrat e mëparshëm, fëmijët e tyre, ku udhëtojnë, cfarë shpenzojnë, sa rrinë jashtë shtetit sa në Shqipëri, cilët bamirës ja u japing këto para? Jam gati. Gjithë çështja është që të mos jetë e lidhur, me reformën në drejtësi. Ai vettingu tjetër do vazhdojë, këtë vettingun që i ka lindur në zemër Lulit, jam gati, ta fillojmë nga unë personalisht”, u shpreh Rama.
Ndërkohë kryetari i Partisë Demokratike, në një konferencë për shtyp, rikonfirmoi propozimin e tij, duke thënë se opozita do të votojë pro një ligji për vettingun e politikanëve. Basha tha se ky vetting do të jetë i ngjashëm me atë të gjyqtarëve apo policëve./TPZ.AL/
