Kryeministri Edi Rama ka sqaruar se pas fitores së zgjedhjeve të 25 prillit është sërish i gatshëm për bashkëpunim me Partinë Demokratike, por ka përjashtuar në mënyrë kategorike me bashkëpunim me opozitën.
Rama tha se për PD nuk ka asnjë kusht dhe asnjë vijë të kuqe, por në fillim PD duhet të bjerë dakord me frymën e PS.
Sa i përket faktit se nuk bënte bashkëpunim me opozitën , por vetëm me PD, Rama sqaroi se për të LSI është parti që i përket një kategorie tjetër.
Rama: Unë mendoj dhe besoj që duhet të bëjmë një sforco të madhe të gjithë. Ta çojmë politikën dhe debatin përtej pandemisë duke u munduar ta lehtësojmë nga gjithë marrëzia që e karakterizon dhe ta balancojmë pak energjinë që konsiderohet në skenën e debatit politik.
Opozitat që funksionojnë, deri tani ka qenë disfunksionale, por tashmë duhet të hapim një kapitull të ri në politikën shqiptare. Kjo bëhet me vullnetin e mirë për ta tejkaluar këtë fazë adoleshence të politikës shqiptare, por si fillim duhet të pajtohesh me frymën.
Mund të ofroni një ribërje të zgjedhjeve lokale?
Rama: Unë nuk jap përgjigje një, dy! Unë nuk kam kufi, asnjë kufi. Nuk kam asnjë tabu. Nuk kam asnjë vijë të kuqe. Unë jam i gatshëm para PD-së pa asnjë kusht, por jo para opozitës.
Vetëm PD njoh opozitë shqiptare. LSI për mua i përket një kategorie tjetër unë flas tani për PD, me të tjerët nuk kam punë me tjetër.
Nëse PD ju vjen me një letër dhe thotë kam këto, këto kushte?
Kjo nuk është punë kushtesh. Në fillim duhet të biem dakord me frymën dhe pastaj ulemi dhe ndërtojmë parimet e këtij partneriteti.
