Kryeministri Edi Rama deklaroi se nuk ka nevojë as për gjermanë, amerikanë, holandez, francezë, anglezë, as norvegjezë për tu ulur dhe për të dialoguar me opozitën.
Gjatë bashkëbisedimit me gazetarët Rama tha se ai është i gatshmë për dialog pa kushte, ndërsa i përsëriti thirrjen liderëve të opozitës, “Kur do flasim”.
“Mirënjohje dhe për përfaqësuesit e Unionit Social Demokrat, që i ka rënë për hise edhe PD si anëtare e familjes, që mbajtën një qëndrim absolutisht korrekt dhe .
Nuk kam nevojë as për gjermanë, amerikanë, holandez, francezë, anglezë, as norvegjezë për tu ulur dhe për të dialoguar, personalisht, e kam thënë e përsëris që dialogu është i pa tjetërsueshëm i pazëvendësueshëm në procesin e bashkëjetesës politike në një vend normal dhe një shoqëri që bazohet në zgjedhjet e saj te vota.
Sot pala tjetër ka bojë shumë më herë për dialog dhe vendi shumë më shumë, se nuk ia kanë borxhe shqiptarët politikanëve situata kur në vend se të mendojnë se çfarë do të bëjnë me familje të shtunën apo në vend se të pushojnë duhet të festojnë Vitin e Ri që ëndërron imagjinata qesharake e udhëheqësve të PD dhe duhet të përballojnë zhurma që as për Vit të Ri kur ishin armët rrugëve nuk i dëgjonin.
Dialogu është gjithmonë i nevojshëm për të krijuar komunikim mes njerëzve, e dyta, në leximin tim, miqtë gjermanë kanë shprehur gatishmërinë për të ndihmuar, shumë e mirëseardhur, por negociata nuk ka. Të jeni të qartë.
Në kuptimin e një procesi negociatash që lidhen me 30 qershorin se nuk kemi asnjë mundësi të negociojmë kushtetutën e vendit, bëmë marrëveshje në 2017 dhe nuk e negociuam kushtetutën dhe e refuzuam që në sekondën e parë dhe deri në të fundit shtyrjen e zgjedhjeve tej afatit kushtetues, këto nuk shtyhen dot asnjë ditë se Presidenti mes 23 dhe 30 ka zgjedhur 30, e drejta e tij, pra zgjedhjet e 30 qershorit do të mbahen në 30 qershor dhe unë nuk kam asnjë mundësi reale për të fantazuar.
Un jam i gatshëm për të dialoguar me opozitën. Nuk kam as një kusht. Kur do flasim?”, tha Rama.
