Kryeministri Edi Rama teksa ka folur dje për zgjedhjen e presidentit të ri, ka sulmuar kreun aktual të shtetit, Ilir Meta. Në një kohë që u publikuan rezultatet e Këshillimit Kombëtar, Rama u pyet nëse në këshillimet e tjera mund të futet edhe pyetja nëse Presidenti duhet të zgjidhjet nga populli.
Teksa bëri të qartë se ai është kundër zgjedhjes së presidenti nga populli në një republike parlamentare si e jona, Rama tha se në atë godinë ka pasur një fatkeqësi natyrore duke iu referuar Metës.
Rama theksoi, se presidenti në republikën tonë nuk ka pushtet dhe nëse do të duhej të zgjidhje nga populli atëherë duhet që posti i tij të kishte një rol më të madh.“Unë jam kundër zgjedhjes së një presidenti nga populli në një republikë si e jona.
Nuk është në natyrën e republikës tonë, nëse do të zgjidhen atë nga populli do të duhet ti jepnin më shumë pushtët, të zgjedhim nga populli një presidenti që nuk ka pushtet. Tani të gjithëve u është ngatërruar roli i presidenti pasi kemi pasur një fatkeqësi natyrore për disa vjet në atë godinë, por roli i presidentit në këtë republikë që kemi ne është i tillë që e bën të pakuptueshme.
Nëse do i jepnin më shumë fuqi patjetër që do të ishte e mundur dhe gjëja e duhur për të bërë. Unë jam kundër për të për të parën, por jam i hapur për të dytën nëse duan njerëzit kjo kërkon ndryshime kushtetuese dhe shkon përtej vendimmarrjes së qeverisë tonë, kërkon 94 vota që nuk i kemi”, tha Rama.
Ndër të tjera, Rama përsëriti se dëshira e tij është që për zgjedhjen e Presidenti të ri të konsultohet me opozitën që e konsideron si “copë e çikë”, por është i prerë se kjo nuk ka për të ndodhur me të vdekurit duke nënkuptuar Sali Berishën, i cili bën kryetarin nën zë të PD.“Ne do të bëjmë përpjekje që të komunikojmë me të gjitha copat dhe çikat e mundshme për të komunikuar, se jo me çdo copë e çikë mund të komunikojmë.
Do komunikojmë me të gjitha copat dhe cikat që përfaqësojnë të gjallët. Se ka disa që edhe nuk mund të komunikojmë”, nënvizoi Rama.
