Kryeministri Edi Rama ka deklaruar se ulja e çmimit të energjisë elektrike në vend përkthehet me fjalë të tjera në rritje të ekonomisë së vendit. Gjatë fjalës për mediat, Rama sulmoi dhe Opozitën dhe mediat duke theksuar se i kanë rrokanisur kokën shqiptarëve me gënjeshta në lidhje me çmimin e energjisë elektrike. Po ashtu Rama ka theksuar se javën e ardhshme ai së bashku me Ministren Belinda Balluku do të shkojnë në Abu Dabi për një moment tjetër historik, të Shqipërisë si aktor të energjisë në nivel evropian.
“Shqipëria është vend tjetër. Kjo tregon rritje të ekonomisë, tregon rritje të kapaciteteve në të gjitha shtresat, por edhe kosnum të energjisë. Natyrisht që edhe ky është një fakt, që na ndihmon të marrim këtë hap të uljes. Kemi më shumë konsum, kemi edhe më shumë të ardhura. Ky moment materializon përpjekjet e të gjithë atyre që kanë kontribuar dhe kontribuojnë në këtë fushë. Transforimi vazhdon.
Së shpejti, javën e ardhshme do të shkojmë në Abu Dabi për një moment tjetër historik, të Shqipërisë si aktor të energjisë në nivel evropian. Do ta shikoni pas ca ditësh. Siç do shikoni, çmimet e energjisë elektrike i kanë pasur më të larta, sesa çmimi që është sot. I kanë rrokanisur kokën shqiptarëve, në bashkëpunim me kanale e portale të llumit, duke thënë që rritëm çmimin. Ne nuk kemi rritur asgjë. Ne kemi rritur Shqipërinë dhe po rrisim Shqipërinë çdo ditë”, tha Rama.
Rama ka deklaruar se Shqipëria është vendi i parë në rajon për energjinë solare. Gjatë fjalës së tij në konferencën për mediat, Rama theksoi se ulja e çmimit të energjisë elektrike është moment historik për Shqipërinë. Po ashtu Rama deklaroi se objektivi i radhës i qeverisë është që 30 % të prodhimit të energjisë elektrike të jetë nga burime të tjera përveç ujit.
“Tre vjet politikë në kulmin e sfidës nga kriza e madhe që prodhoi në të gjithë sektorin energjetik të europës lufta në Ukrainë, Shqipëria sot 10 % të prodhimit të saj e ka nga dielli. Kur ne hymë në këtë fazë e kishte zero. Sot flasim për mbi 300 megaëat prodhim që bazohet tek politika jonë e mbështetjes për diversfikimin e portofolit në funksion të kthimit eksportus të sShqipërië brenda mandatit të katërt.
Por sot në kanalin e investimeve që janë të pritshme bazuar në aplikimet e reja kemi 1300 megawat energji diellore, pra në total do të arrijmë objektivin e 30 % të prodhimit të energjisë totale nga burime të tjera përveç ujit. Janë tashmë projekte të futura në proces. Në vitet e mira hidrike në mbulojmë vetëm 75 % të nevojave, ndaj nuk jemi sovran akoma, por ama sot jemi 3 vite larg sovranitetit të plotë energjetike, sepse 30 % që na duhet për të kompensuar, plus riciklimin që po e zbatojmë në Shqipërinë si projekt inovativ do të na bëjnë që të jemi sovranë. Në vitet jo të mira hidrike ne e kemi 65 % kapacitetit total, jemi të varur nga importi. Por sot u themi shqiptarëve që ne ja dolëm”, tha Rama.
