Gjatë konferencës së përbashkët me ambasadorin Luigi Soreca, kryeministri Rama njoftoi se nga data 18 maj vendi do t’i rikthehet normalitetit, duke lejuar qarkullimin mes qyteteve dhe hapjen e kufijve.
Mirëpo për ta realizuar këtë, sipas kryeministrit Rama ka një kusht dhe ka të bëjë me uljen e numrit të të infektuarve me COVID-19.
Meta iu ‘tradhtoi’ me Ramën? Basha flet për marrëdhënien e re politike: Laku po ngushtohet! Le ta dëgjojnë edhe nga goja ime se…
“Pas 18 majit ne presim të lehtësojmë gjerësisht lëvizjen qoftë brenda për brenda qoftë për të kapërcyer kufijtë, por ka gjithnjë një kusht, numrat duhet të na ndihmojnë, ndryshe do bëjmë hapa pas, që mos të bëjmë këtë duhet të gjithë të luftojmë individualisht, me zbatimin e rregullave që janë mësuar përmendësh, ne mund të mbrojmë shëndetin e familjarëve dhe të vendit në këtë proces hapje, se fatkeqësia e madhe në këtë situatë nuk është që vendos shumica, por një pakicë shumë e vogël që merr në qafë gjithë shumicën”, tha Rama duke shtuar se duhet bërë kujdes i madh nga qytetarët që të mos rikthehen shifrat e larta të infeksionit.
