Rama komentoi dhe idenë e Albin Kurtit, që Shqipëria fillimisht duhet të heqë kufijtë me Kosovën dhe më pas të shikoj në një tablo më të madhe rajonale për këtë proces.
Rama tha se nëse Serbia nuk është pjesë e këtij procesi kjo gjë nuk mund të ndodhë.
“Nuk dua të them që është i shtrembër, dua të them që do drejtohet kur Albin Kurti të bëhet kryeministër me orë të plota dhe të jetë më i vëmendshëm për këtë proces. Sepse nga njëra anë kufiri nuk hiqet përveçse me këtë mënyrë me marrëveshje me të tjerët. Si heq kufirin Albin Kurti nëse Serbia nuk është pjesë e këtij procesi apo do hapi luftë dhe kush Shtetet e Bashkuara, Bashkimi Evropian apo Kuba do japi pëlqimin për heqjen e kufirit pa marrëveshje me gjithë të tjerët. Do të ishte vetëm një marrëzi. Aq më tepër që ne e kemi parë jo duke hequr po duke thënë se do hiqet kemi ndezur gjithë llambat e kuqe dhe është ngritur alarm gjithandej. Ndërsa përsa i përket asaj që duhet të bërë një herë më Kosovën, të gjitha pikat që ne kemi në këtë nisëm janë pika që duhet të ishin bërë me Kosovën përveç kësaj të lëvizjes së lirë që tani është e mundur, më parë ishte e pamundur. Pse nuk janë bërë, le të hapi letrat Albini edhe të shikoj dosjet, të shikoj protokollet dhe të shikoj dhe ta filloj nga dosja e Bashkimit Doganor që Shqipëria e miratoi nën drejtimin e ministrit tonë të Financave dhe Ekonomisë, Arben Ahmetaj është bërë goxha punë me palën kosovare dhe në momentin e fundit pala kosovare tha JO, në qeverinë e Isa Mustafës erdhi Ramush Haradinaj në Tiranë dhe tha këtë do ta bëjmë të parën edhe më pas pastaj tha se dëgjo ashtu është puna do shohim më vonë. Unë nuk po e fajësoj thjesht po them që predikimet janë të nevojshme për politikë por faktet janë të domosdoshme kur bëhesh kryeministër, tha Rama.
