Anisa Qilimi, që ka urdhëruar pezullimin e ish-Drejtorit Haki Çako dhe u mor me çështjen e përgjimeve… të rreme, sot, çuditërisht u emërua si pjesë e “Taks Forcës” së Prokurorisë së Krimeve të Rënda Tiranë, sipas marrëveshjes së nënshkruar midis Ministrit të Brendshëm Fatmir Xhafaj dhe Prokurores së Përgjithshme Arta Marku, për fillimin e aksionit antikrim “Forca e Ligjit”.
Me keqardhje vërejmë, se ashtu si në rastin e Agron Gjanës, i cili si kryeprokuror i komanduar në Durrës, u largua nga kjo detyrë duke u emëruar në Pukë, ku ai refuzoi dhe nuk u paraqit asnjë ditë dhe na la pa gojë kur Arta Marku na e emëroi në Prokurorinë e Tiranës, duke u tallur me shqiptarët, që kishin marrë informacione të mjaftueshme, se si bashkëpuntorit të Llallës, i ishte refuzuar e drejta e udhëtimit drejt Amerikës… pra mohuar viza.
Ky është një precedent për të gjithë zyrtarët e përfolur si të dyshuar pë korrupsion. Por siç duket, Arta Marku, “prokurorja e shpresës”, nuk e drejton dot institucionin e saj pa shokë e miq. Në këtë logjikë arritëm, kur pamë në media, publikimin e një tjetër prokuroreje të dyshimtë si “kamikaze” e Llallës dhe me aftësi profesionale të dyshimta, Anisa Qilimi.
Qilimi është pjesë e “listës së zezë” të prokurorëve dhe gjyqtarëve të korruptuar, dorëzuar në Ministrinë e Drejtësisë, kur ajo drejtohej nga mytyberët e LSI-së, që askush nuk e dinte se çfarë bënin aty, përveç korrupsionit me drejtorët e burgjeve dhe me byzylykët elektronik të të burgosurve, e natyrisht me lejet 500 euro./Tellalli
Por kush është Anisa Qilimi?
“Anisa Qilimi është prokurorja që shkarkoi Haki Çakon dhe arrestoi dy drejtues të policisë, si të përfshirë në skandalin e “sajuar” nga politika të gjoja “përgjimeve”. Padrejtësisht i bihet në qafë një gjyqtari të “korruptuar”. Gjyqtari Arjan Alija as më shumë e as më pak, ka aprovuar një masë sigurie të kërkuar nga prokurorja Qilimi.
Ish prokurorja e Krujës ka një eksperiencë pune modeste, prej afro shtatë vitesh si prokurore, punë kjo e filluar në Prokurorinë e Rrethit Gjyqësor Krujë. Të vetmen meritë që ka Qilimi, lidhet me faktin e thjesht se është mikja e ngushtë dhe e preferuara e mikut të ngushtë të Llallës, ish-drejtuesit të Prokurorisë së Rrethit Gjyqësor Krujë, Agron Gjana.
Emri i kësaj prokurore na kujton arenën e boksit në Hotel Tirana, mes Prokurorit të Përgjithshëm dhe kryetarit të shoqatës së Prokurorëve, Shkëlqim Hajdari.
Edhe në atë rast Llalla u angazhua personalisht për të bërë kryetare shoqate Anisa Qilimin. Madje ishte aq i zotuar sa filloi të gjuante dhe grushte.
Po pse ky impenjim i Llallës për të patur Anisa Qilimin kudo, për çfarë i duhet atij? Natyrisht Llallës, Qilimi i duhet sepse është gojë kyçur dhe i zbaton detyrat e shefit më së miri. Por askush nuk flet dhe e drejton gishtin nga prokuroria, por të gjithë i kanë sytë nga gjyqtari, që tashmë është kthyer në kokë turku!
Hapja e “skandalit” të përgjimeve dhe futja e tij në axhendën kryesore të të ashtuquajtur drejtësi shqiptare, ka vetëm një autorë protagonist: Prokurorinë e Përgjithshme me Adritik Llallën dhe Anisa Qilimin. Por Llalla kurrë nuk do të vepronte me kaq guxim për të goditur dhe shkatërruar policinë e shtetit, pa urdhër nga dikush. Janë pikërisht ata urdhërues, që kërkojnë e deklarojnë lart e poshtë, se këtij skandali duhet medoemos t’i shkohet deri në fund”, shkruan portali Zathur.
Por, nuk mbaron me kaq.
Prokurorja Anisa Qilimi është një nga 65 gjyqtarët dhe prokurorët në “listën e zezë” të ministrit Saimir Tahiri, për shkeljet e tyre dhe vendimet skandaloze.
Listë që iu dërgua presidentit Bujar Nishani dhe u bë publike.
Por, kuptohet askush nuk mori asnjë masë ndaj tyre dhe ajo mbeti thjesht një listë në sirtarin e Nishanit.
