Deputetja e PDIU-së, Reme Lala, nga foltorja e Kuvendit ka folur në lidhje me dhënien e llixhave ne Peshkopi, duke i kërkuar qeverisë që të ndalë këtë projekt. Ndërkohë, ajo i është përgjigjur edhe akuzave të kryedemokratit Lulzim Basha lidhur me babain e saj Ymer Lala. Deputetja ka treguar se si Basha ka tentuar disa herë bashkëpunimin me të.
“Me dashurinë për babain tim dhe krenarinë që kam se jam vajza e tij, një ditë do të tregoj sa herë ke kërkuar për të bashkëpunuar me babain tim. Do i them me data dhe me emra. Por këto një ditë tjetër”, tha Lala.
Pak me pare Basha tha: Sic ju thamë prej ditës së parë, e morët me pazaret që keni bërë me krimin dhe kur e lidh fatin me kriminelët nuk ka si të bëhet vonë për shqiptarët e thjeshtë. Kur e lidh fatin me Ymer Lalën nuk të çahet koka për dibranët e thjeshtë.
Kur e lidh fatin me Emiljano Shullazin dhe Dritan Dajtin nuk të bëhet vonë as për pensionistët dhe as banorët e Tiranës dhe as të Astirit apo ato bulevardit të ri. Është fare e qartë çfarë ka ndodhur nëse mendoni se mund ta shtyjmë kështu është gabim.
“Si dibrane dhe si deputete unë ngre sot dyshime për këtë leje të papritur, dyshime për keqpërdorim të lejes, të kësaj pasurie, gjej ngërçe, pikëpyetje, dilema për këtë. I bëhet dëm madhor gjithë Dibrës, rrënim i familjeve, rrënim për Dibrën.
Zoti kryeministër ndërhyni sot të mos u lënë rrugë, atyre personave që i kanë bërë familjet dibrane të qajnë, e tani nxitojnë tu fshijnë lotët. Për mua problemi nuk zgjidhet në FB dhe Instagram, as nuk dua të marr flamurin e tu them atyre se këtë hall e zgjidh unë, ata këtë e presin nga ju, flamurin kush e zgjidhi hallin le ta tundë kush të dojë.
Llixhat nuk kanë nevojë për llogje të dashur patriotë, duan studim fizibiliteti të detajuar, duhen shëruar që ato të na shërojnë, unë si përfaqësua e Dibrës, që e ndiej dhe kam të qartë për zgjidhjen do nxis qeverinë për një zgjidhje të argumentuar, dhe nxitjen e pushtetit lokal për të propozuar zgjidhjen më të mirë për këtë qëllim, kush ka qenë aty ka ndjerë erën e rëndë, kjo leja e dhënë mban erë të qelbur e korruptive, ju lutem kryeministër dilni në foltore dhe drejtojuni dibranëve. Unë jam këtu, për të folur në këtë foltore ku fjala ka peshë”, tha Lala.
