Historia është përsëritur, kështu rezulton për deputetin e Rithemelimit, Dash Sula, i cili dje goditi deputetin e PD, Kreshnik Çollakun. Pasi e goditi, pamje këto që u panë qartë, ai tha se nuk e ishte bërë këtë veprim. Po të kthehemi pas në kohë shohim Dash Sula është një person jo dhe aq konform me ligjet.
Në 2012 rezulton se ai ka përdorur armë në stadium kjo në atë kohë u vërtetua dhe nga federata e raporti i arbitrave. Dhe në këtë rast ai i mohon këto akuza. Madje për këtë i ndjeri Bashkim Fino, kërkoi përjashtimin nga komisionet parlamentare të Sulës. Ende nuk dihen motivet që e shtyjnë Sulën e Peqinit të sillet kështu, mbase gara tani është kush i bie në sy Berishës, pasi zgjedhjet po afrojnë dhe deputetët e rithemelimit janë hedhur në sulm për të mbrojtur dhëndrin dhe për të sulmuar SPAK, raporton “Alfapress.al”.
Deputeti i PD Dashnor Sula ka hyrë i armatosur në dhomat e zhveshjes së arbitrit dhe vëzhguesit të federatës, ku dhe ka qëlluar disa herë me pistoletën që mbante në dorë. Vendi se ku ka hapur zjarr ka qenë banja e dhomës së zhveshjes, duke sjellë një kërcënim dhe presion të hapur ndaj arbitrave të ndeshjes, me qëllim favorizimin e skuadrës së Peqinit, gjatë zhvillimit të ndeshjes sportive me ekipin e Flamurtarit të Vlorës. Pas kësaj, deputeti Sula ka ngjitur shkallët e stadiumit duke u përqendruar në tribunën VIP.
Mirëpo në momentin kur arbitri i ndeshjes ka akorduar një penallti për ekipin e Shkumbinit dhe ajo është shndërruar në gol nga njeri prej lojtarëve, sërish deputeti Sula ka qëlluar me pistoletën lodër që e mbante me vete. Sipas burime, pranë grupit hetimor të kësaj çështje ajo që është më shqetësuese është se në dhomën e arbitrave dhe vëzhguesit të federatës Astrit Mema qëndronin tre policë të komisariatit të Peqinit.
Këta të fundit edhe pse nuk lejohet të hyjë në këto ambiente asnjë person i autorizuar, kanë lejuar deputetin Sula dhe shefin e klubit sportiv të Shkumbinit, që të hyjnë në dhomë dhe tu bëjnë presion arbitrave. Tre efektivat e policisë s’kanë reaguar edhe kur kanë dëgjuar të shtëna me armë brenda në dhomë, duke treguar një indiferentizëm dhe një skenar të hollësishëm që siç duket ishte hartuar nga drejtuesit e klubit të Shkumbinit, përfshirë këtu dhe tifozin VIP të kësaj skuadre deputeti Dashnor Sula. Ndërkohë që prokuroria dje ka vërtetuar se arma ishte lodër, ndërkohë që tre arbritrat e ndeshjes dhe vëzhguesi i federatës gjatë marrjes në pyetje s’kanë pranuar të bëjnë kallëzim penal.
