Ish-sekretari i Përgjithshëm i Partisë Demokratike, Arben Ristani, bëri sot një deklaratë të fortë në emisionin ’Breaking’. Ai zbuloi se deputetë të PD i thonë Ramës, nëqoftëse do bashkëpunimin tonë, na jep gjysmën e projektit të Durrësit.
“17 maji tregoi se Basha është një autokrat si Rama, Basha nuk pyet as për kryesi dhe as për Këshillin Kombëtar. Luli nuk do të pranojë që ta lejë Partinë demokratike të qetë, PD nuk është një parti politike, por një ndërmarrje me fitim e Bashës.
Ata janë bashkë me njëri-tjetrin, kjo do i bëjë mirë dhe opozitarëve ta shikojnë fytyrën e tij të vërtetë. Nuk kam ndërmend të kandidoj për kryetar të PD, por kam ndërmend të vazhdoj me politikë dhe me Partinë Demokratike.ù
Kemi një opozitë që kërkojnë bashkëpunim me Edi Ramë nëpërmjet bashkëpunimit ekonomik. Deputët aktual të PD i kërkojnë Ramës gjysmën e projektit të Durrësit, ata tallen me demokratët. “, u shpreh Ristani. Ndërsa për procesin brenda në PD, Ristani deklaroi se ato do të jenë të njëjta si me 25 prill.
“Zgjedhjet e 13 qershorit do jenë si ato të 25 prillit, ku manipulimi zgjedhor do jetë para ditës së zgjedhjeve. Basha nuk pati as kurajo të jepte dorëheqje dhe e mira do ishte të mos garonte më fare.
Ka edhe një hile tjetër ku tha se do niste një tur faktmbledhës, por një tur për tu zgjedhur kryetar, një hile e një gjysmë burri që drejton sot Partinë Demokratike.
Ato që ishin për të thënë u thanë, por masa është urra mbas kryetarit. Nuk u fol për protesta por për vjedhjen e zgjedhjeve dhe ne vazhdojmë luftë. Zor besoj se ata do të kenë besim që edhe presidenti Meta thoshte që gjënjen edhe për orën”, tha Ristani.
