“Ajo që unë dua, është që Shqipëria të bëhet më mirë. Kjo është dëshira ime më e madhe, sepse mund të kem shumë dëshira. Ajo ëndërr e atij u ndërpre. Ky është misioni im, të vazhdoj ëndrrën e babait.” Ky ka qenë kometi i Rudina Hajdarit e pyetur rreth ekstradimit të Izet Haxhisë, i cili ka kërkuar rihapjen e dosjes së Azem Hajdarit.
Vetë juristi Romeo Kara i cili e ndjek hap pas hapi mikun e tij Izet Haxhia në këtë betejë shkruan se drejtësia duhet të thotë fjalën e saj në lidhje me këtë çështje.
“Çështja Hajdari, duhet të rihapet dhe me siguri që do të rihapet. Deri më tani, ajo ka qenë një çështje e mbyllur dhe e pazbardhur, pra drejtësia akoma nuk e ka thënë fjalën e saj.
Për ata që pranojnë drejtësinë dhe konsekuencat e saj, vlen më së miri xhesti i vetëdorëzimit të Izet Haxhise, që flet përmbi çdo koment.
Për ata që pengojnë drejtësinë, ushtrojnë dhunë e pushtet në devijimin e saj, me shpresë se ajo do të shmanget, për ata që mendojnë se ne jemi tepër të vegjël dhe të parëndesishem dhe pa mjetet e duhura për t’u përballur me ta, une po ju përgjigjem me një poezi të shkurtër Urdu:
Drejtesinë kush s’e pranon,
Veçse shpatën ka per jetën.
E mund hasmin kush beson,
Edhe po t’ia japë të veten.
Perballjen për drejtësi, nuk ka forcë që e ndalon.” , shkruan juristi Kara.
