Autoriteti i Konkurrencës ka hetuar disa depo farmacish në Shqipëri që në mënyrë të pajustifikuar kanë rritur çmimet e maskave, alkoolit dhe gel-dezinfektanteve.
Janë 24 depo farmacish që janë gjobitur për sjellje në kundërshtim me VKK nga Autoriteti teksa as kanë bashkëpunuar dhe as kanë informuar për vendimet e tyre.
Gjobat për depot e farmacive variojnë nga 1 milionë lekë në 2 milionë lekë. Sipas Autoritetit këto depo farmacish kanë ndikuar edhe tek prishja e konkurrencës dhe bllokimi i tregut të shitjes së këtyre produkteve shumë të nevojshme për qytetarët gjatë pandemisë.
Ndërkohë hetimi nuk mbetet me kaq, teksa Autoriteti i Konkurrencës paralajmëron se nëse shkeljet vijojnë atëhere depot e farmacive do gjobiten me 10% të xhiros së tyre vjetore.
