Sipas atyre që kanë “ngjyer gishtat” dhe kanë firmosur letrat bashkë me krye bashkiakun provizor, thuhet se vetëm në këtë tender pastrimi, deputeti “rilindës” i ka dhënë kaçurrelsit të Aliut “llokmën” 30% të vlerës totale, prandaj Shkodra është qelbur nga plehrat…
Krye bashkiaku provizor e në ikje i Shkodrës, Bardh Spahia, me njoftimin zyrtar ka vërtetuar denoncimin e bërë disa here nga “Pamfleti”, se në pazar me ish-deputetin e PS, Sadri Abazi, ka mbajtur 1 vit peng tenderin e pastrimit të qytetit dhe e ka finalizuar tani para zgjedhjeve.
Më 27 mars 2023, Bardh Spahia ka anonçuar në Buletinin e Prokurimeve Publike, vendimin për shpalljen fitues të kompanisë “Alko- Impex Construction” me pronar ish-deputetin e PS, Sadri Abazi, të cilit i ka dhënë tenderin për pastrimin e zonës qendrore të Shkodrës.
Rrufjani Bardh Spahia: Me Sadrin e PS ndau 1.1 milionë Euro,
Pazari i tyre me këtë tender, ka nisur më 3 prill 2022 pasi Bardh Spahia u ul në kolltukun e kryetarit, dhe u shty 4 herë deri në shtator 2022, ngaqë biznesmeni “rilindës” nuk pranonte t’i jepte djalit të Aliut 35% rryshfet, por aq sa i jepte Voltana Ademit gjatë 6 viteve.
Në shtator e gjetën gjuhën, dhe Bardh Spahia i pagoi dy çeqe nga 420 milionë lekë pa tender e pa miratim të Këshillit Bashkiak, me marifetin e zgjatjes së kontratës për gjoja shkak të emergjencës së pastrimit, kur plehrat mbuluan Shkodrën.
Ndërsa ditën e hënë, krye bashkiaku Bardh Spahia, njoftoi se ka finalizuar tenderin e pastrimit të qytetit Shkodrës me firmën “Alko- Impex Construction-Shpk” të Sadri Abazit, kundrejt vlerës tjetër 1.1 milionë Euro me TVSH për 12 muaj.
Sipas atyre që kanë “ngjyer gishtat” dhe kanë firmosur letrat bashkë me krye bashkiakun provizor e në ikje, thuhet se vetëm në këtë tender pastrimi, deputeti “rilindës” i ka dhënë kaçurrelsit të Aliut “llokmën” 30% të vlerës totale, prandaj Shkodra është qelbur nga plehrat. Firma private që ka marrë milionat, po bënë sikur pastron qytetin, ndërsa kryetar Bardhi nuk i kërkon dot llogari, ama po u kërkon votat demokratëve…/Pamfleti
