Rufjani Sali Berisha, i tmerruar prej fundit, po përjeton tërbimin e pamundësisë, për të uzurpuar dhe përdorur protestën e studentëve, paçka se po tenton ta arrijë këtë synim, me shumë “hajna” hije, financime, skema e mënyra të stërholluara.
Kreun e FRPD, Belind Këlliçin e futi në lojë, por studentët e përzunë, mbasi e njohin që është jo vetëm “zar” i Lulit, por dhe dhëndër i Zv/ministrit Artan Shkreli, shërbestarit të Edi Ramës.
Politologun Klevis Balliu, nuk mund ta përdor dot, paçka se është intelektual i mirënjohur e me universitet anglez, të përsëritur 3 herë në çdo vit, mbasi njihet që është djali i komunist-demokrat Fahriut.
Të tjerët, si Salianjin, Mulin, Zhupën, Tabakun, Strazimirin, Dumën, Alibeajn, Murrizin, Vokshin, Bumçin e Ristanin, nuk i pranojnë në protestë, mbasi njihen si “langojë” të tij e të Lulit.
E vetmja “kartë”, që rufjani i Viçidolit, mund ta përdorte në këtë 8 dhjetor të 28-të, ishte vajza e Azem Hajdarit, duke menduar se studentët 8 dhjetorit 2018, bien viktimë e simboleve dhe kanë interesat, mendjen, informacionin, apo naivitetin e studentëve të 8 dhejtorit 1990 dhe mund të manipulohen.
Me bekimin dhe instruktazhin e “dhelprës plakë” Sali Berisha, vajza Azem Hajdarit, me familje e biznese miliardëshe në SHBA, me pallat 10 kate e 10 dyqane në Tiranë, hipi në statujën e të atit të vrarë prej Berishës dhe, nisi lojën për “zbarkim” në protestën studentore, duke mbajtur një fjalim që nuk ngjiti, pasi studentët e përzunë, si misionare të Sali Berishës.
Saliu, tentoi të përsëriste edhe me vajzën e Azemit, skenën që Ramiz Aliaj bëri më “8 Dhjetor ‘90”, me të, me Azemin dhe 30 komunistë karrieristë e spiunë tropojanë, që pavarësisht si i ka etiketuar Fan Noli, u treguan të besës, në zbatim të misionit që u ngarkoi PPSH dhe sigurimi shtetit.
Nuk e dimë, nëse Rudina Hajdari e ka depozituar apo jo në Kuvend, kërkesën për dorëzimin e mandatit të deputetit, por dimë faktin, se pas përdorjes dhe dështimit në këtë mision të neveritshëm e të dalë boje para 28 vitesh, ajo ka reaguar ashpër, ndaj të ëmës Fatmira Hajdari, që e bindi të bëhej “vegël” e Saliut, si dikur babai i saj.
Ja hartimi që recitoi deputetja Rudina Hajdari, drejtuar studentëve
“Të dashur, vëllezër dhe motra. Unë, nuk kisha parashikuar të flisja sot, por kam kënaqësinë të flas para jush, dhe sot dua t’i bëj një betim tim ati, t’iu bëj një betim të rinjve se jam gati të lë mandatit për t’iu bashkuar të rinjve sot për luftën e tyre. Nuk jam kthyer në Shqipëri për një post, por për vëllezërit e mi, për vajzën time, për të çuar amanetin e babait tim deri në fund.
Prandaj, sheshi i demokracisë, sot nuk është këtu, por tek Ministria e Arsimit dhe ne, duhet të shkojmë t’i bashkohemi studentëve. Falënderoj studentët e dhjetorit, por sot ka ardhur koha, për një demokraci tjetër, të luftojmë e ta bëjmë këtë vend, si gjithë Europa”./Pamfleti
