Avokatja e famshme Valentina Teodoresku (Shehu) ka qenë aq ekstremiste e PD dhe idhtare e Saliut, sa fotografinë e tij e mbante në kornizë. Me urdhër të tij, ish-mësuesja e fillores në fshatrat e Memaliajt, përfundoi studimet me korrespondencë për juriste në gusht 1995, dhe zgjodhi avokatinë si seksere për biznes me gjyqet në Tiranë, Durrës e disa gjykata të tjera, ku ishin emëruar drejtues dhe gjyqtarë plepistë nga Tepelena…
Avokatja 70-vjecare Valentina Teodoresku (Shehu), e lindur në Memaliaj, banuese në Tiranë dhe shtetase e Bullgarisë, e martuar atje; po sulmohet nga Sali Berisha, foltoristët dhe mediat e tij, si “enveriste, patronazhiste e PS, idhtare e Edi Ramës, vegël e SPAK dhe avokate seksere e prokurorëve e gjyqtarëve”.
Por Saliu dhe “ushtria” mediatike e Foltores, nuk duhet ta sulmojnë, mbasi avokatja “Vali i Memaliajt”, ka qenë aq ekstremiste e PD dhe idhtare e Sali Berishës, sa fotografinë e tij e mbante në kornizë në shtëpi dhe është shpërblyer familjarisht prej tij.
Ja dy fakte:
Fakti i parë/ Me urdhër të Sali Berishës, Valentina Shehu ish-mësuesja e fillores në fshatrat e Memaliajt, përfundoi studimet me korrespondencë te Fakulteti Juridik në Tiranë në gusht 1995, dhe zgjodhi avokatinë, si seksere për biznes me gjyqet, ngaqë në Tiranë, Durrës, Vlorë, Fier, Gjirokastër e disa rretheve të tjera, ku ishin emëruar drejtues dhe gjyqtarë plepistë nga Tepelena.
Fakti i dytë/ Pas ardhjes së PD në pushtet më 1992, Sali Berisha urdhëroi të rikonstruktohej Burgu i Bënçës, dhe atje emëroi drejtor Asaf Shehun, vëllain e avokates Valentina Teodoresku, megjithëse ishte ende student me korrespondencë te Universiteti i Gjirokastrës.
E emëroi si militant ekstremist në burgun e Bënçës, ku çoi Fatos Nanon; instruktazhin e sjelljes ndaj tij, vëllait drejtor të avokates Valentina Teodoresku, ia bëri vetë Sali Berisha 1 javë në zyrën e tij në Presidencë.
Ai zbatoi strikt çdo porosi e urdhër të Sali Berishës, dhe qëndroi drejtor i Burgut të Bënçës edhe 8 muaj pasi u lirua Fatos Nano.
Në tetor 1999, kur PS ishte në pushtet, vëllai i avokates Valentina Teodoresku, u emërua përsëri Drejtor i Burgut të Bënçës; emërim për të cilin, nga PS e Tepelenës u përfol se u bë nëpërmjet Gramoz Ruçit.
Ishte shpërblyer, pasi kishte rrëfyer dhe i kishte dorëzuar Gramozit, gjithë bisedat, radiogramet teletekst dhe shkresat konfidenciale që kishte shkëmbyer vetëm me Sali Berishën, për mënyrën dhe kushtet e trajtimit të Fatos Nanos në burgun e Bënçës; por dhe filmimet e vizitorëve socialistë e funksionarë demokratë, që paguanin për ta takuar vetëm natën.
Në këtë detyrë, vëllai i Valentinës që gjykata e ka caktuar avokate të Sali Berishës, qëndroi deri në mars 2006, kur Sali Berisha e largoi si drejtor të Burgut të Bënçës, duke e çuar drejtor te Burgu i Kavajës, ndërsa më pas oficer në disa burgje të tjerë, deri më 2009-ën kur e largoi fare.
Referuar këtyre fakteve, Saliu për moral, nuk duhet ta shajë avokaten Valentina Teodoresku, sepse vetë e ka bërë juriste, ndërsa vëllain ia bëri drejtor te Burgu i Bënçës më 1993-‘97 kur atje ishte Fatosi./Pamfleti
