Sali Berisha pasi mori PD-në me Agron Zhukrin, edhe pse ka ende një vendim gjykate, ka zgjedhur edhe zyrën e vet.
Ai është transferuar nga zyra luksoze ku qendroi për disa vite me radhë në një qendër tregtare, të cilën s’dihet se kush e paguante dhe tani do të ketë zyrën e vet në SHQUP.
Ka qenë Floriana Garo, e cila ka postuar disa foto të tij.
“Dr. Sali Berisha në zyrën e tij në selinë e Partisë Demokratike’, shkruan Floriana Garo në Facebook.
Kjo e fundit ndërkohë ka postuar edhe foto nga zyra e kryetarit të PD, të cilin “Foltorja” e ka zaptuar për të bërë mbledhjet e saj.
“Zyra e Kryetarit ne seli do te sherbeje si zyra e mbledhjeve te Komisionit te Rithemelimit deri ne zgjedhjen e kryetarit te Partise Demokratike!”, shkruan Garo në Facebook, ndërsa në krye të tavolinës natyrisht qendronte Sali Berisha, si kryetar de fakto i PD.
