Ndalimi i hyrjes në Shtetet e Bashkuara për Sali Berishën dhe familjarët e tij ishte diçka që flitej dhe aludohej, sidomos nga kundërshtarët e tij politikë.
Në një seancë parlamentare të vitit 2019, kryeministri Edi Rama e pyeti specifikisht Berishën nëse udhëtonte dot drejt Shteteve të Bashkuara.
“Sali, ti e kapërcen dot oqeanin me dash?”, tha Rama, duke bërë edhe një lojë fjalësh me fjalën dash, që është edhe akronimi i DASH – Departamentit Amerikan të Shtetit.
I pyetur jashtë sallës nga gazetarët mbi këtë akuzë të Ramës, Berisha, në atë kohë, mohoi gjithçka. “Kurrë, në mënyrë absolute. Por duhet të them një gjë… unë nuk udhëtoj, siç e keni vënë re. Udhëtime shumë, shumë të rralla…”, tha ai.
