Ish kryeministri, Sali Berisha në një postim në rrjetet sociale ka përkujtuar 20 vjetorin e ndërhyrjes së NATO-s në luftën e Kosovës.
Berisha e ka cilësuar ditë historike për kombin shqiptar ndërhyrjen e NATO-s me kërkesë të ish presidentit amerikan Bill Clinton.
Ish-kryeministri ka shprehur mirnjohjen e tij për Clinton, SHBA, NATO-n dhe vendet anëtare.
Nderkohe qe ish kreu i opozites se asaj kohe Sali Berisha ishte kunder marreveshjes se Rambujese qe sollin dhe intervenimin e NATO-s ne Kosove e çlirimin e saj, duke akuzuar firmataret si tradhetare te kombit.
Postimi i plotë i Berishës:
Sot dite historike per NATO-n dhe kombin shqiptar!
Te dashur miq, 20 vjet me parë NATO nisi ofensiven ushtarake ajrore ndaj Serbise se Milosheviçit për t’i dhënë fund njehere e pergjithmonë masakrave dhe pushtimit barbar serb mbi qytetarët e pafajshëm të Kosovës.
24 Marsi eshte pa dyshim Dita e madhe ne historine e Kosovës dhe Aleances se Atllantikut te Veriut.
Më 24 mars 1999, presidenti Bill Clinton iu drejtua kombit amerikan lidhur me ndërhyrjen e NATO-s kunder Beogradit ne mbrojtje te shqiptareve në Kosovë dhe udhehoqi betejen me te madhe ajrore pas Luftes se Dyte Boterore per çlirimin e saj.
