sh- kreu i SHIK Fatos Klosi, ka komentuar zhvillimet politike në vend si edhe ecurinë e reformës në drejtësi. Në një prononcim për gazetën “SOT”, i pyetur lidhur me deklaratën e ish-kryeministrit Sali Berisha se në vazhdim do të organizojë protesta masive, ai u shpreh se ish-kryeministrit Sali Berisha nuk i shkon asnjë nga pas për të bërë protesta masive.
Ai theksoi, se këto deklarata ai i bënë sipas tij, për të ngritur moralin e atyre që e mbështesin.
“Me zgjedhjet e fundit natyrisht ish-kryeministri Sali Berisha fitoi kundër Lulzim Bashës, por ai doli shumë më keq në krahasim me socialistët. Unë nuk e di nëse do të bind njerëz që të dalin në protesta masive. Janë deklarata që bëhen për të ngritur moralin e mbështetësve të tij, por unë nuk besoj se do ti zhvillojë masive protestat”, tha ai.
Si e komentoni faktin se ish-kryeministri Sali Berisha ka deklaruar se do të ketë bashkëpunim në të ardhmen me presidentin Ilir Meta, ai tha se fakti që ata bënë koalicion në zgjedhje tregon se kanë një bashkëpunim. Sipas tij, edhe në të ardhmen do të ketë bashkëpunim Meta-Berisha.
“Po deri tani duket sikur janë në bashkëpunim për sa kohë që presidenti Ilir Meta iu la partinë për të marr pjesë në zgjedhje unë e quaj si një hap shumë të rëndësishëm drejt një bashkëpunimi të ardhshëm.
Praktikisht, gjithçka që është duke ndodhur sot edhe procesi gjyqësor edhe janë kondicionuar në një farë mënyre edhe nga rezultatet e zgjedhjeve. Duket që është një bashkëpunim që kishte parashikuar këto gjëra”, tha ish-kreu i SHIK Fatos Klosi.
Klosi: Drejtësia në vend lë për të dëshiruar
Ndërkohë, ish- kreu i SHIK, Fatos Klosi ka folur edhe sa i përket reformës ë drejtësi dhe ecurinë e saj. Ai theksoi, se reforma në drejtësi sipas tij, do të harroj qëllimin për të cilin u krijua. Klosi theksoi, se reforma nuk është e lehtë, por ka mbështetjen e partnerëve ndërkombëtar.
“Unë si gjithë shqiptarët besoj se kjo reformë do të arrij qëllimin për të cilin është bërë. Nuk e ka të lehtë, por për sa kohë që reforma ka mbështetje nga ata të cilët kanë kontribuar më shumë që janë partnerët tanë ndërkombëtar. Unë shpresoj që reforma do t’ia dal”, tha ai.
Ndër të tjera, ai u shpreh se reforma deri më tani ka hasur vështirësi. Ish-kreu i SHIK Fatos Klosi, mori si shembull edhe rastin e njohjes nga gjykata të ndryshimeve të statutit të grupit të Rithemelimit, për të cilin tha se ishte në shkelje të ligjit.
Sipas tij, drejtësia nuk është ende drejtësia që duhet, por do t’ja dal.“Është e vështirë sigurisht, ne po e shikojmë ishte rasti i atij gjykatësit që vendosi ta njoh ekipin e rithemelimit të Partisë Demokratike në shkelje të paarsyeshme të ligjit sepse ka ndonjëherë edhe shkelje jo që justifikohen por që arrijnë që ti justifikojnë kurse ajo ishte absolutisht në shkelje të ligjit.
Me këtë rast të fundit tregohet se akoma drejtësia shqiptare nuk është ende drejtësi. Të gjithë shpresojmë se do t’’a dal natyrisht e ka të vështirë sepse situata ka qenë shumë e rëndë, por do t’ia dal”, tha ai. Sakaq, kreu i SHIK Fatos Klosi ka komentuar edhe luftën në Ukrainë.
Ai u shpreh, se sulmi që Rusia bëri në Ukrainë doli shumë më ndryshe nga se rusët menduan në fillim. Ai theksoi, se Ukraina doli një shtet rezistent.
“Rusët dhe Ukraina janë shtete të cilat kanë qenë bashkë më para dhe janë fqinjë dhe rusëve Ukraina ju doli fare ndryshe. Sulmi që ata bënë në Ukrainë u doli shumë më ndryshe nga ajo që rusët kishin parashikuar. Ata e lanë operacionin përgjysmë për tu rikthyer gjoja në Dombas për të çliruar Dombasin. Po vriten shumë njerëz, gjë të cilin nuk e kishin parashikuar fare, jo vetëm Ukrainën mesa duket nuk e njihnin”, tha ai.
