Kjo është pamja që ka marrë Saranda në këto ditë të fundit të vitit. Shëtitorja buzë detit është zbukuruar e gjitha. Nuk është vendosur vetëm bredhi, por edhe dritat përgjatë gjithë gjatësisë së saj.
Në shëtitore është ngritur fshati dimëror me shtëpiza, ku qyttetarët e vizitorët mund të konsumojnë apo blejnë diçka. Këtë atmosferë e shijojnë më shumë të vegjlit.
Qyteti i bukur në jugun e Shqipërisë po tërheq jo vetëm vizitorë vendas, por edhe turistë të huaj. Aty gjen edhe turiste nga Japonia. Edhe vendasit vlerësojnë veçanërisht atmosferën e krijuar në qytet.
Të kënaqur janë edhe ata që tregtojnë në shtëpizat e vogla buzë detit. Sipas autoriteteve lokale, edhe këtë vit interesi nga të huajt është shtuar për Sarandën.
Për t’i bërë sa më të bukura këto ditë festash ka një kalendar të pasur me aktivitete, me muzikë live apo performancë të DJ të njohur.
Saranda merr një pamje të tillë për të dytin vit radhazi. Vitin e kaluar, qyteti bregdetar shqiptar u vlerësua si një prej 20 destiancioneve më të mira të dimrit në Europë nga revista Forbes.
