Kallëzimi në SPAK për këtë koncesion u bë nga ish-Zv.Komandantit të Forcës Detare, Artur Meçollari, me argumentin se dhënia me qera është bërë në shkelje të ligjit, pasi kjo bazë është pjesë e Planit të Vendosjes dhe të Përhapjes së ushtrisë, e për këtë arsye do duhej marrë dhe miratimi i Presidentit të Republikës, në cilësinë e Komandatit të Përgjithshëm të Forcave të Armatosura.
“Pronat në përputhje me ligjin nr. 64/2014, “Për pushtetet dhe autoritetet e drejtimit dhe komandimit në FA” konsiderohen si kapacitete operacionale të miratuara nga Presidenti i Republikës në listën e Planit të Përhapjes dhe Vendosjes. Veprimet mbi pronat e Forcave të Armatosura, që konsiderohen kapacitete operacionale, duhet të trajtohen jo vetëm sipas ligjit Nr. 8743, datë 22.2.2001 “Për pronat e paluajtshme të shtetit”, por edhe ligjit nr. 64/2014, “Për pushtetet dhe autoritetet e drejtimit dhe komandimit në FA” -saktëson Meçollari një lehës që ka kthyer SPAK-un në një shurrtore, ku shurron për të nxjerr mllefet e tij ndaj komandës së Flotës, si ushtarë i Berishës i shkarkuar me ceremoni dhe në padinë e tij merr kompetenca juridike si analfabet në këtë fushë.
Sekuestra preventive nga SPAK në bashkëpunim me gjykatat qesharake mund t’i kushtojnë taksa paguesve shqiptarë miliona euro nëse subjekti privat do e çonte për hetim në një Gjykatë arbitrazhi.
Çudia më e madhe është se SPAK ka dalë si strukturë që mbron NATO-n sipas përrallave të Muçollaret që nuk i dihen lidhjet me “dumanët”, që po fusin turinjtë kudo, deri sa të hanë “hurin” e ligjit që shkelin çdo ditë.
Këtë çeshtje e ka prekur edhe Rama në Asamblenë e PS i cili ka ironizuar dhe kërcënuar drejtësinë qesharake, për pasojat që mund të ketë vendi dhe në fund dhe këto palço që duan të kthejnë shtetin në shtetin e prokurorisë SPAK.
Kreu i qeverisë tha se po ndërhyhet në kompetencat e sovranit në emër të NATO-s, duke e cilësuar këtë veprim si arbitrar dhe që mund t’i kushtonte shtetit shqiptar qimet e kokës në rast se investitorët e huaj do të ishin cinikë ta çonin në Arbitrazh.
Ja deklarat e Ramës;
Sekuestroja e Portit të Limionit, vendim absurd! Kanë ndërhyrë në kompetencat e sovranit në emër të NATO-s.
‘Në një bisedë që pata me disa kryetarë bashkish, jo të forcës sonë politike, Puka, Fushë-Arrëz, Memaliaj, zona të thella, diskutuam edhe për këtë; reparte ushtarake si fantazma të cilat bashkitë e zonave malore mund t’i kthejnë fare mirë në asete për të kërkuar mbrapsht investime nga emigrantët e këtyre zonave në fushën e turizmit apo agroturizmit.
Madje absurdi arrin deri në pikën ku merret peng me sekuestro preventive, në emër të NATO-s një investim me rëndësi strategjike, 200 milionë euro, rreth, në limionin e Sarandës, i cili qysh në kohën e Zogut ka pasur plan zhvillimi për Marinë turistike dhe është pjesë e Programit tonë qeverisës, ndërkohë që prej 2 a 3 vjetësh rri i bllokuar se hetohet mënyra sesi është lidhur kontrata.
Unë nuk dua të komentoj, nuk e bëj asnjëherë, arsyet e atij hetimi, kjo nuk është puna ime, ama nuk duhet një diplomë në juridik për të kuptuar se të hetosh sesi u lidh një kontratë e shtetit me një sipërmarrje private, nuk të jep asnjë të drejtë ta bllokosh investimin e asaj sipërmarrjeje, aq më tepër ta bësh këtë në emër të NATO-s dhe të sigurisë kombëtare, duke e bërë NATO-n të qeshë, kur e dëgjon këtë histori dhe duke ndërhyrë në shkelje të ligjit për ndarjen e pushteteve në kompetencën e një pushteti tjetër të pavarur, i cili është sovran në vendimmarrjet e veta për sigurinë kombëtare.
Ky është një arbitraritet i hapur që mund t’i kushtonte shtetit shqiptar qimet e kokës në rast se investitorët e huaj do të ishin cinikë ta çonin në Arbitrazh, por e solla këtë këtu për faktin se kjo buron nga një arbitraritet që shkon shumë përtej horizontit të një hetuesi dhe lidhet me një mendësi të vjetër dhe të gabuar për mbrojtjen e kohëve të sotme dhe për atë që duhet të bëjmë ne në funksion të mbrojtjes.’- tha Rama. /Ekskluzive.al
