Lufta ndaj korrupsionit në Shqipëri, cilësohet si sfida kryesore për amerikanët. Vendi ynë ka nisur një reformë të thellë, por për SHBA, pa futur në burg emrat e zhytur në afera nuk mund ta ketë investime dhe zhvillim ekonomik.
Të mërkurën zv/ndihmës Sekretari Amerikan i Shtetit, Gabriel Escobar zhvilloi një seancë dëgjimore në Komisionin për Marrëdhëniet me Jashtë për Evropën dhe Bashkëpunimin Rajonal të Sigurisë në Senatin Amerikan.
Gazeta po zbardh sot detaje nga pyetjet dhe qëndrimet e senatorëve. Senatorja Lisa Magno është shprehur se korrupsioni mbetet problemi kryesor, teksa shtoi se SHBA po asiston autoritet shqiptare për çrrënjosjen e këtij fenomeni.
“Në Shqipëri, asistenca amerikane do të vijojë me adresimin e korrupsionit, një nga sfidat më të forta të ngelura për t’u përmbushur. SHBA në bashkëpunim me agjencitë, është duke krijuar një program ku u do mundësohet që partnerët tanë në Ballkan të kuptojnë më mirë rrjedhën e investime, të identifikojnë benefitet”, tha ajo. Senatori Ron Johnson foli kryesisht mbi problemet në të gjithë Ballakanin.
Edhe ai theksoi se sfidë mbete shteti ligjor, teksa ngriti si shqetësim dhe ndikimin kinez. “Ballkani kërkon vazhdimisht ndërhyrjen e SHBA. Ne duam të jemi suportues për stabilitetin e Ballkanit.
Jemi të shqetësuar për ndërhyrjet kineze. Ne duam të reduktojnë korrupsionin, të përqafojnë rendin e ligji, në mënyre që investimet të mund të aksesojnë Ballkanin. Fakti që po mbajmë këtë dëgjesë duhet të çojë sinjalin e duhur që ne ju kemi në vëmendje: Duam të jemi suportues, nuk do detyrojmë zgjidhje”, tha ai.
Qëndrimi i Escobar
Në seancën dëgjimore para senatorëve, zyrtari i DASH dha shumë detaje mbi situatën në Shqipëri dhe vendet e tjera rajonale. Escobar përmendi dhe ngritjen e shtabit të forcave speciale në vendin tonë. Po sipas tij, të gjitha shtetet duhet që të luftojnë korrupsionin.
“Angazhimi ynë afatgjatë diplomatik mbështet integrimin e plotë të Ballkanit Perëndimor në strukturat euro atlantike. Një Ballkan i fortë i integruar në një Europë të fortë, nënkupton një komunitet euroatlantik më të fortë. SHBA vijon të kërkojë thellimin me partneritetin me vendet ballkanike.
Ne kemi lajmëruar krijimin e një baze operacionale në Shqipëri, si dhe u mbështetëm fuqimisht nga partnerët tanë shqiptarë, kosovarë dhe maqedonas në strehimin e të evakuuarve afganë. Vijojmë të krijojmë lidhje ekonomike me rajonin. Një shembull për këtë është ndihmesa në sigurinë europiane mbi energjinë nëpërmjet projekteve në Shqipëri dhe Kroaci.
Ka mundësi ta panumërta për investime nga biznese amerikane, ndaj sugjerojmë që vendet të forcojnë rendin e ligjin, të luftojnë korrupsionin dhe të rrisin transparencën në mënyrë që të rrisin mundësinë për këto investime”, tha ai. Sinjalet janë të qartë se amerikanët duan që të goditet ashpër korrupsioni dhe ka një angazhim mes të gjitha institucioneve.
