Presidenti i Serbisë, Aleksandar Vuçiç, ka thënë në një intervistë mbrëmjen e kaluar se pret një ndryshim të politikës amerikane ndaj Kosovës, edhe pse jo të madh, pasi Donald Trump të marrë detyrën si president i SHBA-së më 20 janar.
“Unë nuk mendoj se politika amerikane ndaj Kosovës do të ndryshojë shumë, por shpresoj se do të ndryshojë.” Besoj se do të jetë e mundur”, tha Vuçiç.
Ai shtoi se Serbia “ka shumë miq” në administratën republikane të Trump, “shumë më shumë” sesa në administratën në largim të demokratit Joe Biden.
“Ka shumë njerëz nga administrata Trump me të cilët po flasim, unë kam biseduar tashmë me disa prej tyre. Ata janë shpesh mysafirë në Beograd, disa kanë edhe punë në Beograd. Kemi edhe një serb të shquar, Rod Blagojeviq, i cili është shumë i pozicionuar dhe i respektuar në administratën Trump”, tha Vuçiç.
