Jashtë çdo logjike informimi, mediat shqiptare, natyrisht gjirizet mediatike, në çdo lajm që publikojnë për plakun Berisha, nuk harrojnë kurrë që ta emërtojnë si ish kryeministri Sali Berisha.
Kjo ndodh çdo ditë dhe askush nuk e kupton se përse etikohet si ish kryeministër, kur Saliu nuk ka lënë karrige pushteti pa ngrohur dhe në fund pa dhjerë.
Sali Berisha ka qenë komunist 24 karatësh, nga ata që të bënte gjëmën për partinë dhe shokun Enver, deri kur i erdhi ora për ta përdorur, duke krijuar të gjitha kushtet si besnik i pamposhtur për ta kaluar komunizmin në demokomunizëm.
Saliu me shokë, veshën pardesytë e bardha, grisën teserat e kuqe dhe nxorrën teserat blu, që prej 30 vitesh shkatërruan çfarë ishte ndërtuar dhe formuan iluzionin optik… kështjellën prej letre PD-në, sipas udhëzimeve të KQ të PPSH.
Turmat e gënjyera, që sot pothuajse janë zhbërë, e panë veten në një shtëpi pa çati, që për tridhjet vjet i’u hoq edhe dera, iu shembën edhe muret dhe sot s’ka mbetur asgjë veçse një grumbull rrënojash politike që hiqen e përdridhen, shkrihen e rrihen, qeshin e ngërdheshen… si Partia Demokratike “na ishte një herë”. Të gjitha këto në emër të misionit që i ishte dhënë komunistit të fundit në Shqipëri, Sali Ram Berisha.
Bëmat dhe gjëmat e tij nuk ka nevojë t’i tregosh e t’i rrjeshtosh, sepse i dinë dhe fëmijët e rrugës… por lodhjen për të na e rifreskuar kujtesën, se Berisha është dikushi, pra ish kryeministër, ruajeni për tjera gjëra, sepse lojtari i gjirizeve mediatike nuk është i dëmtuar, por i sakatuar dhe nuk është mirë për moshën dhe fatëkeqësinë që i ka rënë ta mbani me gajret.
Endrra kur kthehet në zhgjëndërr ka pasoja fatale, sepse mund të të marri edhe jetën, sidomos kur e shikon varur në dritare, në katin e tetë me 2 flamuj në duar, sikur do të flutoroi drejt përjetësisë ose drejt karriges së pushtetit, sepse komunistët e vërtetë bëjnë njërën… ose vriten, ose fitojnë me flamur dhimbjen dhe lotët e disa ushtarëve të armatosur anti Rama, me barut të lagur që nuk shkrep kurrë.
Kjo është ëndrra e keqe dhe si ëndërr në mos qoft e vërtetë u “sajoft”, sepse shpëtojme edhe ne, edhe ai, edhe lëpirsat e gjirizave. /Ekskluzive.al
