Nga Anri Bala
Demokratët, ata të Saliut, sepse tani janë bërë shumë copash… ca të Saliut, ca të Lulziut dhe ca të asnjeriut… si grupe amorfe, që nuk ka reaksion kimik që i bashkon, presin që Trump të marrë pushtetin, sepse kështu i’u kanë thënë… do bëhet më mirë.
Pak a shumë si “fitorja” e Lulit, i cili pasi doli në foto me Trump, u prit në aeroport nga Xhelali, i cili mbante në dorë një kornizë ku shpallte “Qytetar Nderi” të Kamzës Presidentin Amerikan.
Kjo ndodh ngaqë vetë janë ndarë e përçarë, e ndonjë mendjendrituri aty brenda i ka shkuar ndërmend që mund të ndaj edhe Amerikën. A thua se është çyreku i pashkëve, që e ndan Saliu, sa herë që mendon dhe sa herë që dëshiron, me sharrën e tij pa dhëmbë!
Duke qenë i pafuqishëm vetë, “ndarjen dhe copëtimin” e Amerikës i’a ka lënë në dorë një emigranteje, që askush nuk e di se çfarë përfaqëson tek PD-ja e Rithemelimit pa themel, përveçse një fotografie me Trump në fushatën e tij presidenciale, që e tund lart e poshtë, herë me përfaqësuesin e lobit serb Grenell, herë me Bleonën, por kurrë me ish bashkëshortin e saj greko-amerikanin Angelakis.
Të vjen keq, kur shikon këtë paraqitje deri në poshtërim të PD-së së Rithemeluar, që në fakt është e “çapluar”, përderisa hap krahët dhe shalët, për të mirëpritur cilindo, që mban një fotografi ku mbrapa shkruhet: “Republikane amerikane.”
Një lodër e të papunëve si kjo “përfaqësueses së Trump”, duhet të bënte të ndjeheshin keq jo vetëm demokratët, por çdo shqiptarë që e njeh botën shumë më përpara se kjo dhe funksionimin e politikës ku akrobacirat e këtij lloji quhen kllounada.
Ish Zonja Angelakis, që në Foltore po sillet si Melani Trump, e ka marrë “sharrën” në dorë dhe ka premtuar se do të rrëzoi Biden dhe shumë shpejt Trump do të vij në pushtet, me ndihmën e saj, e Saliu do të kthehet në një hero, i “persekutuar” nga demokrati Biden, i cili po sipas “sharrtares” me sharrën pa dhëmbë, është… gabimisht në drejtimin e SHBA-së.
Kjo deklaratë është më e sigurtë se kjo e para, kur bëhet nga Kokalari ose “koka shqiptare” e republikanëve amerikan, që askush nuk e di se çfarë profesioni ka, përveç atij të imagjinatës së saj të çfrenuar, si “mike” dhe aktiviste e Trump. Fatkeqësisht as “mikja e rrethit” të Trump dhe as “rrethi i mikut” të Trump nuk janë profesione, por iluzione, duam apo nuk duam ne të pabindurit.
“Konservatorët amerikanë do t’i a kthejnë këtë prestigj SHBA dhe do të heqin qafe individ si Joe Biden dhe ata që kanë marrë peng Amerikën, në mënyrë të paligjshme. Fatkeqësisht ata gjenden sot në Shtëpinë e Bardhë dhe paaftësia e tyre duket qartë si në adimistrimin e vendit. Nëse Trump do të ishte në Shtëpinë e Bardhë, lufta në Ukrainë nuk do të ndodhte”, dekaronte ajo para Rithemeluesve.
Kjo deklaratë bie erë e keqe aniamerikane, e nëse PD e rithemeluar nuk e ruan veten nga këta tipa, atëherë e ruajt Zoti nga hijet e pasagjerëve të “Air America”, që flasin me fantazma, madje arrijnë në delirë, duke u shitur si pjesë e vendimmarrjes së qeverisë amerikane, kur të vijë qeveria… e fantazmave, sepse vendi i demokracisë nuk ka as socialist as komunist, por vetëm udhëheqës të votuar nga populli amerikan për t’i drejtuar.
Sharra e shokut Berisha është në dorë të “hiçit”, por edhe nëse do ishte në dorë të “dikujt”, nuk e shikon askënd si sharrë, sepse nuk ka asnjë dhëmb, por si bisht fshese për të fshirë halet dhe në mungesë të letrës higjenike, edhe prapanicën e atyre që e përdorin dhe e reklamojnë si shpatë./Ekskluzive.al
