Shumë janë çuditur me urdhërin ekzekutiv të Presidentit Joe Biden, për të bllokuar të gjitha pronat, apo transaksionet e zyrtarëve të korruptuar, të Shqipërisë në SHBA.
U duk në fillim që veprimi Biden, nuk ishte shumë relevant, për faktin se njerëzit presin veprime energjike në territorin shqiptar, ku flitet për shtëpi, troje, toka, prona apo edhe kompani, që janë në duart e politikanëve të korruptuar, por që zotërohen nga emra të rremë.
Por burime të ‘Pamfleti’-t, bëjnë të ditur se SHBA, ka arritur të identifikojë prona të Sali Berishës, Ilir Metës, por edhe zyrtarëve e politikanëve të tjerë, në disa vende të SHBA-së, kryesisht në New York e rrethinat e këtij shteti, por edhe vende të tjera si Boston Bufalo, Philadephia etj.
Siç bëhet e ditur nga një material, që ka mbërritur në Shqipëri prej disa ditësh, ka të dhëna të pronave, që janë ngritur në SHBA, me para që origjinën e kanë nga firmat piramidale në vitin 1997, që janë transferuar në rrugë ajrore e detare, e më pas, janë investuar në biznese të ndryshme.
Kryesisht restorante, kompani ndërtimi, biznese shpërndarjesh kateringu etj.
Ditët e fundit, Sali Berisha, ka publikuar disa foto prej bizneseve të ndryshme në New York, të cilët kanë bërë paradë në Manhatan, zonën më të shtrenjtë të qytetit, me parulla kundër Edi Ramës. E këto parulla, nuk kanë qenë gjë tjetër, veçse material edhe më i çmuar, për agjencitë ligjore të SHBA-së, që kanë kohë, që kanë gjurmuar pronat e Sali Berishës.
SHBA ka mbledhur dëshmi e dokumente, se si ndër vite, që në vitin 1997, njerëz afër klanit Berisha, madje një pjesë edhe nga Tropoja, kanë transferuar në SHBA, sasi të mëdha parash, që më pas u investuan në disa biznese si restorante, real estate, apo shoqëri kateringu e natyrisht ndërtime.
Këto fonde u përdoren si financim lobimi për të mbështetur Berishën në institucionet e SHBA-së.
E këto ditë, pas vendimit të Departamentit Amerikan të Shtetit që shpalli ‘non grata’ Sali Berishën, ka nisur një operacion i fuqishëm, ku çdo pronë e dyshimtë, po verifikohet me detaje nga ana e agjencive të zbatimit të ligjit.
Kjo ka sjellë një tronditje të madhe te njerëzit, që deri para pak muajsh, kanë shpërndarë para përtej detit, për të mbështetur establishmentin, deri edhe ish-Kryeprokurorin Adriatik Llalla, apo edhe Sali Berishën e Ilir Metën.
Një ish-zyrtar i lartë shqiptar, që ka disa prona në mes të Manhanatit, duket se është i pari, që po verifikohet së bashku me disa të tjerë, për të cilët ka pasur një proces verifikimi me kohë.
Së shpejti, pritet që organet e Sekretariatit të Thesarit të SHBA-së, të bëjnë publikimin mbi këto prona, ku sipas gjasave ekzistojnë prova të parezistueshme.
Madje ka edhe detaje të plota të transaksioneve, kopje të të cilave janë dërguar edhe në SPAK. Përveç pronave, janë kapur edhe të gjitha dokumentet e transaksioneve të transferimit të kapitaleve dhe aseteve, nëpërmjet shoqërive guackë, në ishujt e Karaibeve dhe në Amerikën Qendrore.
Dekreti presidencial i Biden, duket se nuk është hartuar thjesht si parandalim, por që ka informacione shumë të hollësishme, madje përveç pronave, ka edhe institucione mediatike, që kanë mbrotjur Sali Berishën, Adriatik Llallën e Ilir Metën në SHBA, që nuk janë gjë, veçse prona të zyrtarëve, që qeveria e SHBA, i konsideron si të lidhur me korrupsion të rëndësishëm./Pamfleti
