Shtetet e Bashkuara janë shumë të shqetësuara për përpjekjet e Presidentit të Shqipërisë për të rrëzuar qeverinë e Zoran Zaev në Maqedoni.
Ilir Meta, i njohur si miku personal i Nikola Gruevskit, ish kryeministrit pro rus të Maqedonisë, e ka shfaqur që në fillim mungesën e dëshirës që të qeverisë Zaev në Maqedoni.
Madje u bëri thirrje dhe partive politike shqiptare që të hynin në koalicion me VMRO-DPE të Nikola Gruevskit për krijimin e qeverisë së re.
Dhe këtu ka pasur mbështetje dhe nga lideri i opozitës shqiptare Lulzim Basha që e përkrahu hapur Nikola Gruevskin. Madje “formoi” dhe qeverinë Gruevski dhe e përshëndeti zyrtarisht nga Tirana. Paçka se nuk i kishte numrat dhe sikurse u pa, pak kohë më vonë qeverinë e formoi Zoran Zaev.
Askokohe mbështetja e Metës dhe Bashës për Gruvskin u pa si një kundërgoditje ndaj Edi Ramës që u bëri thirrje partive politike shqiptare që të hynin në koalicion me Zaev, me orientim pro Perëndimor. Sikurse dhe u arrit pas shumë negociatash dhe që për hir të vërtetës Zaev po e mban fjalën, sidomos për gjuhën shqipe.
Ndërkohë, vizitat e shpeshta të Ilir Metës në Maqedoni, takimi me njerëz të Gruvskit, por dhe takimet e Bashës me ish kryeministrin maqedonas kanë krijuar shqetësimin në SHBA se Meta po përpiqet të rrëzojë qeverinë e Zaev. Rrëzim që do ti kontribuonte destabilitetit në Ballkan dhe shtrirjes së ndikimit rus në këtë rajon.
Për këtë arësye në mesin e muajit mars, ka qënë Ndihmës-sekretari Amerikan i Shtetit i cili zhvilloi një tur në Ballkan, duke e anashkaluar.
Wess Mitchell, ndihmës-sekretari i Shtetit për Çështjet Evropiane dhe Euroaziatike udhëtoi në Prishtinë, Shkup, Beograd, Athinë dhe Nikosia.
Stabiliteti i rajonit dhe fqinjësia e mirë ka qënë në esencë pjesa publike që u deklarua pas këtyre takimeve. Duke nënvizuar dhe njëherë mbështetjen amerikane për rajonin.
Por në Shkup mësohet se është diskutuar dhe në lidhje me ndërhyrjen e Metës dhe Bashës për të rrëzuar qeverinë e Zoran Zaev. Njëherësh nuk është i pakoordinuar mesazhi që iu dha Metës përmes publikimit nga ana e Zërit të Amerikës të raportit të Freedom House që e cilësonte Presidentin si simbolin e korrupsionit në Shqipëri.
Ndërkohë që vetëm gati një muaj më vonë, mediat dhe politikanët maqedonas kanë dhënë alarmin se Presidenti shqiptar Ilir Meta është duke bashkëpunuar me subjekte të caktuara për të rrëzuar qeverinë e Zoran Zaev.
Një sërë mediesh prestigjioze në Maqedoni kanë raportuar se më 6 prill, Ilir Meta ka bërë një vizitë të fshehtë në Maqedoni.
Sipas tyre, ai është takuar në Kërçovë me kreun e BDI, Ali Ahmeti dhe më pas në Shkup me kryetarin e BFI-së, Sulejman Rexhepi, por dhe me ish-kreun e Shërbimit Sekret maqedonas Sasho Mijallkovin, i cili është kushëri i Nikola Gruevskit dhe shërbeu gjatë qeverisë së tij.
Gazeta bëri një kërkim në faqen zyrtare të Presidencës dhe në të nuk ka asnjë njoftim të vizitës së Metës në Maqedoni, duke lënë të nënkuptohet se kjo ka qenë një vizitë jo zyrtare dhe që në Shkup ka ngjallur mjaft dyshime.
Ndërkohë kandidati i LSDM për kryetar komune në zgjedhjet lokale, Hadi Osmani ka komentuar informacionet për qëndrimin e presidentit shqiptar, Ilir Meta, në Maqedoni si dhe informacionet për takime sekrete që ai ka realizuar me këtë rast.
Osmani ka deklaruar se Meta ka bërë negociata me VMRO-DPMNE për rrëzimin e qeverisë “Zaev”.
“Mickovski tha se të mërkurën prishet qeveria. Mos mbaj shpresa kot te Ilir Meta, por kshyr veten, përmirësoje nëse do me mbijetu në politikë. Kjo qeveri është zgjedhur nga qytetarët dhe nuk mund ta prishin marrëveshjet e natës”, ka shkruar Osmani.
Ndërkohë që janë ngritur shumë teori konspirative, mësohet se Ilir Meta ka qënë po në një vizitë private dhe në fillim të muajit mars në Maqedoni.
Pikërisht pak para vizitës së ndihmës sekretarit amerikan të shtetit. Ndaj të gjitha goditjet janë drejtuar ndaj Ilir Metës, sepse po shihet si një politikan që përpiqet të destabilizojë situatën në rajon. Qoftë dhe për të shpëtuar veten dhe miqtë e rij nga burgu, në të dy anët e kufirit.
Pasi dhe për Gruevskin kanë rënë “këmbanat” nga drejtësia maqedonase./Pamfleti.com
