Historia e viteve 1992-1996, kur Azemi ishte shpallur “dele e zezë” nga Sali Berisha dhe u tentua të futej në burg, strukturat e PD në bazë, janë udhëruar të mos bien viktimë e thirrjeve të Rudina Hajdarit edhe nëse ajo, flet në emër të idealit të Azemit, paçka se vëllai i saj mbështet Berishën e Bashën, ndërkohë vëllai i Azemit, Sali Hajdari”, i ka bërë thirrje shefave të PD, të “lidhin qentë” që kanë vërsulur kundër mbesës së tij
Nëse kundërshtimi i Myslim Murrizit, u kalua me shumë lehtësi nga kupola e PD, duke e përjashtuar brenda 12 orësh nga partia, faktet po tregojnë të kundërtën ndaj Rudina Hajdarit, qëndrimi i të cilës, i ka futur në ngërç e siklet me vehten dhe struktrat e partiake në bazë, sidomos me mijëra anëtarë të PD, që janë idhtarë të Azem Hajdarit.
Të pafuqishëm për ta përjashtuar me vendim të Kryesisë e Këshillit Kombëtar, siç vepruan me Murrizin e Lushnjës dhe me kandidatët e listës me ora të markës “Atlatanic”, që do marrin mandatet, drejtuesit e lartë të PD, nuk kanë guximin publik, ta largojnë me ceremoni nga partia, për shkak të frikës, se mund të ketë një përçarje ndarje tjetër në bazën demokrate
Ajo vërtetë, quhet Rudina Hajdari, por është hija dhe profili “Azem” dhe për këtë motiv: “biografik” është bërë deputete, ndaj dhe Berisha e Basha, po deklarojnë, se ajo është e vetë- përjashtuar nga PD, duke lënë të kuptohet haptazi e qartë, se vajza e liderit të “PD-Dhjetorit 90”, nuk ka më vend në PD-në e “KOP-2005” të Argitës e Bashës.
Ditën e premte, nisur prej faktit, se djali i Azemit është në grupin Berisha-Basha, ndërsa Rudina sulmohet nga PD si ”armike”, vëllai i Azemit, Sali Hajdari u ka bërë thirrje publike, drejtuesve të PD, të heqin dorë nga sulmet e mbesës së tij deputete, duke u kujtuar, se i kanë përçarë, vrarë e shkatërruar si familje.
Mirëpo krerët e PD, nuk e kanë ndalur sulmin, mbasi sipas një informacioni nga burime brenda selisë së “SHQUP”-it, thuhet se pas vizitës së Rudina Hajdarit në Shkodër-Vau Dejë, me ambasadorin e BE dhe deputeten e PS, kryetarët e degëve të PD në rrethe, kanë marrë urdhër të prerë, ta shpërfillin Rudina Hajdarin, nëse ajo shkon në zona e kërkon të bëjë trakime me demokratët.
Po, sipas këtij burimi, thuhet se Rudina Hajdarit i është hequr zyra në selinë qendrore të PD, ndërkohë që në kongresin e PD, asaj iu hoq emri, nga lista e atyre që do të diskutonin dhe nuk iu pranua asnjë propozim, për emrat që duhej të ishin anëtarë të Këshillit Komhëtar nga zona e saj elektorale.
Kupola e PD është kapur keqas, nga “ethet” e frikshme, të lëvizjes që ka nisur Rudina Hajdari në bazën demokrate me synim pastrimin dhe rikrijimin e PD pa “modelin” Berisha” që po e vazhdon Basha, lëvizje që ka edhe suport ndërkombëtar, siç u pa gjatë vizitës së saj në Shkodër, ku ishte në krahë të Ambasadorit të BE./Pamfleti/
