Vapa që ka nisur nuk ka detyruar vetëm qytetarët t’u drejtohen plazheve e parqeve periferike për freskim, por ka vënë në lëvizje edhe zyrtarët e lartë të shtetit, të cilët kanë hapur arkën e shtetit dhe po marrin masa për freskimin e zyrave ku lodhen për drejtësinë dhe hallet e popullt, siç është dhe shefi i Inspektoratin e Lartë të Deklarimit dhe Kontrollit të Pasurive e Konfliktit të Interesave (ILDKPKI).
Inspektorati, i cili siç dihet, nuk toleron asnjë pasuri të fshehur prej deputetëve, ministrave, gjyqtarëve, prokurorëve e zyrtarëve të tjerë të shtetit, i djersitur nga puna e madhe për zbulimin e korrupsionit, ka vendosuir të freskoj veten me kondicionerë!
Sipas një publikimi të bërë në “Buletini i Prokurimeve Publike”, ILDKP njofton se ka nisur procedurën, për blerjen e 1 kondicioneri profesional “me precizion të lartë”, me vlerë 12.5 milionë lekë të vjetra pa TVSH, ose 15 milionë lekë të vjetra me TVSH!
Njoftimi zyrtar i tenderit, për blerjen e kondicionerit
1. Emri dhe adresa e autoritetit kontraktor: Inspektoratit të Lartë të Deklarimit dhe Kontrollit te Pasurive dhe Konfliktit të Interesave, Adresa Rruga “Reshit Çollaku” Tiranë, Tel/Fax +355 42 259 461, E-mail [email protected]
2. Lloji i procedurës së prokurimit: Kërkesë për propozim
3. Objekti i kontratës: “Blerje Kondicioner Profesional me Precizion të Lartë”,
4. Numri i referencës së procedurës/lotit REFREF-70252-05-22-2018
5. Fondi limit 1.250,000 (një milion e dyqind e pesëdhjet mijë) lekë pa TVSH,
6. Kohëzgjatja e kontratës, ose afati kohor për ekzekutiminbrenda 30 diteve.
7. Afati kohor për dorëzimin e ofertave ose kërkesave për pjesëmarrje: Datë 04. 06.2018, ora 10:00/Pamfleti/
