Blogerja Zhaklin Lekatari ka shpërthyer gjatë ditës së sotme ndaj pastorit Akil Pano dhe bashkëshortes së tij Lindita Pano.
Në disa video të publikuara në Instastory, blogerja shprehet se çifti Pano duhet t’i drejtohet vetëm komunitetit të tyre fetar me deklaratat e tyre në institucionin e duhur dhe jo në studio televizive.
“Duhet t’ju kujtoj që në shoqëri laike, në një Republikë laike si ajo e Shqipërisë si rregullator dhe si zbatues i ligjit duhet të jetë shteti dhe Kushtetuta. Të gjithë përfaqësuesit fetarë duhet t’i flasin komunitetit fetar në institucionet fetare që do të thotë çifti Pano, flitini komunitetit tuaj në Kishën tuaj që ka nevojë edhe të jetë e lyer. Dhe jeni që jeni mësoni edhe ato lutjet sepse kam vënë re që i lexoni te muri. Kemi mjaftueshëm profesionistë për të mbushur sallonet televizive. Prandaj flitini komunitetit tuaj në hapësirat e dedikuara”- shprehet Zhaklin Lekatari gjatë videos.
Më tej ajo ka publikuar një tjetër video, ku e revoltuar shprehet: “Dhe nuk di çfarë të them për një çift përfaqësues fetarë, të cilët ajo çfarë bëjnë nuk është tjetër përveçse prostitucion mediatik. Si mund të bëni moral?”
Gjatë ditës së sotme Zhaklin Lekatari dhe bashkëshortja e pastorit, Lindita Pano ishin të ftuara në emisionin “Shqipëria Live”, në dy pjesë të ndryshme të emisionit. Pano ishte e ftuar për të folur në lidhje me lajmin se në Greqi janë pagëzuar për herë të parë dy fëmijë të një çifti homoseksualësh.
Në fjalën e saj bashkëshortja e pastorit Pano tha se Kisha duhet të jetë strehë për të gjithë fëmijë, ndërsa për rastin konkret u shpreh se këta dy fëmijë janë “viktimë e egoizmit të të rriturve.”
“Fakti që prifti i Kishës nuk dinte gjë tregon që ka nuk ka qenë një gjë e hapur. Fakti që prifti kërkon ndjesë tregon që publiku nuk ka ditur gjë. Reagimet dhe mosreagimet kanë qenë nga mosdija. Unë lutem që dy fëmijët të kenë një jetë të bekuar. Mendoj qe Kisha është aty për të bekuar fëmijët sepse po reagojmë sikur kisha ka martuar dy homoseksualë. Çfarë ka ndodhur aty është që Kisha ka bekuar dy fëmijë të vegjël. Për mua Kisha duhet të jetë streha për të gjithë fëmijët.
Por fëmijët mund të mbahen në dorë nga një çift homoseksualë, por fëmijët i ka lindur një nënë që sot për mua ata fëmijë, unë vazhdoj të besoj që ata fëmijë janë viktimë e egoizmit të të rriturve. Iu hiqet e drejta për të pasur nënën janë viktima të shoqërisë, të kohës ku ne po jetojmë.
MOS HUMBISNI
Diabeti zhduket përgjithmonë! Bëni këtë një herë para gjumit!
DiaFix
Mjekët e fshehin! Dhimbja e kyçeve iku përgjithmonë në 6 ditë!
Hondrowell
Armiku i diabetit është gjetur. Niveli i sheqerit bie në 4
Diafix
Metodë unike që zhduk kërpudhat e thonjve të këmbës për 3 ditë
Myceril
Ne do bënim gjithçka për fëmijët, por ne nuk pagëzojmë fëmijë në Kishën tonë. Ne bëjmë gjithçka që fëmijët të jenë të pranuar, e kanë mjaft refuzimin dhe krizën e identitetit që kanë në jetën e tyre”, tregoi Pano.
Gjatë bisedës të ftuarit e tjerë në studio shprehën se ka pasur raste ku besimtarët kanë qenë shumë agresivë dhe kanë tentuar edhe të djegin institucione kulturore si Teatri, për shkak të përdorimit të elementëve fetarë në shfaqje.
Ndërsa Pano tha: “Nëse ka qenë në konotacion negativ patjetër që duhet të reagojë Kisha. Reagim i ashpër. Duhet të ketë disa limite sepse unë kam parë që nuk kemi limite”
I ftuari tjetër shprehu se nëse diçka është e ligjshme për një shtet, atëherë duhet lejuar edhe nga Kisha, gjë që nga Lindita Pano u kundërshtua. “Edhe nëse Kushetuta e lejon, brenda Kishës, Bibla është kushtetuta e Kishës. Qeveritë vijnë dhe ikin, po ajo nuk ndryshon sepse është e shkruar. Nuk është subjekt evolimi”, tha Pano.
Nga ana tjetër edhe pastori Akil Pano ka mbajtur të njejtin qëndrim si bashkëshortja, sa i përket homoseksualëve. Ai ka publikuar në Instastory lajmin se Ukraina po shqyrton legalizimin e martesës së të njejtit seks, duke e shoqëruar me një shkrim ironik: “Ju bëri përshtypje? Mua jo.”– shkroi ai./m.j
