Klevis Balliu, në ditën e 158 të protestës së banorëve të Unazës së Re, komentoi edhe grabitjen e rëndë të ndodhur ditën e djeshme në Rinas, duke i dhene “liri te plote” fantazise.
Balliu, duke iu referuar konfliktit të policisë me banorët e Bregut të Lumit, tha se, sipas tij, ndërkohë që sulmoheshin banorët, miqtë e partnerët e Edi Ramës mund të grabisnin të lirë 10 milion euro.
Në fjalën e tij para banorëve, Balliu theksoi se tashmë ka ardhur koha për të sulmuar “pushtetin e krimit”.
“Ju jeni bërë frymëzim për të gjithë shqiptarët të cilëve sot po i merren shtëpitë e po i dhunohen fëmijët nga policia e inkriminuar.
Ju jeni bërë frymëzim deri në Berlin, ku taksistët protestojnë me jelekë portokalli që i kanë parë nga ju. Kjo protestë është parë në të gjithë botën.
Kur një Europë e tërë frymëzohet nga kjo protestë nuk frymëzohet nga jeleku po për atë që përfaqëson jeleku, që është energjia, fuqia, sovraniteti i banorëve të Unazës e të gjithë qytetarëve.
Pamjet drithëruese që kemi parë dje dhunën që kemi parë dje të ushtruar, nga fëmijë, zonja, gra të marra zvarrë, vajza 18-vjeçare në rajonine polcisë, ato pamje na kanë treguar se nuk është më koha për t’u mbrojtur, por për të sulmuar.
Në datën 13 të sulmojnë pushtetin e krimit. Për të gjithë ata që flasin se protesta qenka problem, po pse nuk është problem revolta në Rumani, revolta e francezëve, pse nuk janë problem revoltat në Europë, po qenkan problem protesta e shqiptarëve?
Flasin për trazirat, problem se u thye një xham. A ka kauz më të drejtë se shtëpia, se fëmija, se demokracia për të bërë revoltë me çdo mjet. Ndërkohë që sulmoheshin ata banorë, miqtë partnerët e Edi Ramës mund të grabisnin të lirë 10 milion euro.
Kush i hanë deklaratat e shëmtuara të një ministri që del e thotë se u shkatërruan bandat ndërkohë që paratë po numërohen, po ndahen tek shtëpia e Veliaj.
Merri paratë jepja Bregut të Lumit, jepja studentëve, po ju paratë i keni për vete. Pse pyjet që digjen rastësi janë? Ato po digjen që të përgatitet terreni për të mbjellë kanabisin, për të blerë zgjedhjet.
Erion Veliaj dilte dje dhe mashtronte për çdo gjë, fliste për shkolla. Ku e ke shkollën ti more zotëri, ça quan shkollë ti, pallatin e Edmond Dedës? E vërteta është Erion se ti ke frikë prej banorëve sepse ata përfaqësojnë fund rilindjes.”, tha ish-deputeti i PD-së.
