Në kuadër të takimit të përjavshëm për portalin ‘Shqipëria që duam’, kryeministri Rama u ndal edhe tek shkeljet ligjore të drejtuesve dhe punonjësve të administratës.
Rama tha se pavarësisht se ka përmirësime, ende ka zona gri dhe të errëta në administratë dhe për këtë arsye po përgatiten për marrjen e një pakete të re masash ndëshkimore.
“Në administratë ka përmirësime edhe pse ashtu si kundër e ka nënvizuar me forcë edhe zëvendëskryeminitri në mbledhjet e qeverisë ka ende zona gri dhe madje edhe zona të errëta në administratë.
Ka ende drejtues dhe punonjës që nuk janë në lartësinë e duhur dhe ne po përgatitemi për një paketë të re masash ndëshkimore për të gjithë ata të cilët fshihen pas neneve të ligjit të shërbimit civil apo fshihen pas njëri-tjetrit dhe nuk shërbejnë si duhet dhe nuk e përfaqësojnë në asnjë mënyrë ambicjen tonë për administratën që duam”, tha kryeministri.
