Shqiptarët dhe mafia, janë ata të cilët kanë nën kontroll lojërat e paligjshme në Itali dhe më gjerë, por edhe zyrat e ligjshme të këtij vendi, ku vihen baste sportive. Është ky përfundimi i Zyrës Kombëtare të Antimafias në Itali.
Sipas raportit të publikuar për vitin 2012-2013, mafia italiane dhe ajo shqiptare tashmë kanë nën kontroll gjithçka. Nga manipulimet në futboll e deri tek lojërat e vogla nëpër salla dhe shitjet e biletave.
Të gjitha kontrollohen nga shqiptarët dhe mafia italiane. Situata për Zyrën Kombëtare të Antimafias është i qartë. Të gjitha lëvizjet sjellin para të paligjshme në xhepat kriminalitetit dhe këta të fundit dënohen shumë pak në krahasim me atë që përfitojnë nga aktivitetet e palishme.
“Direzione Nazionale Antimafia” ka bërë një panoramë të situatës se çfarë kontrollohet nga mafia dhe shqiptarët dhe që ka më shumë interes për lojërat e paligjshme, duke filluar nga ndeshjet e duke vazhduar deri tek lojërat elektronike.
Veç kësaj, në Itali, por më së shumti në Shqipëri, ka kompani të cilat luajnë ndeshjet e futbollit online dhe xhiroja për vitin 2012-2013.
Austria – Kohë më parë u zbulua skema se si shqiptarët, në bashkëpunim me austriakët fiksonin ndeshjet në këtë kampionat, ndërsa dy shqiptarët I.N. dhe A.T, tashmë janë në qeli, por tanimë Policia Federale e Austrisë ka zbuluar mënyrën se si janë trukuar ndeshjet.
Në radhë të parë, operacioni për arrestimin e dy shqiptarëve dhe një austriaku ishfutbollist profesionist është quajtur “Operacioni Rinas”. Për të tre këta persona rëndon akuza e organizimit dhe trukimit.
Ata janë tashmë të akuzuarit mbi të cilët rëndojnë shumë akuza, mes të cilave edhe një listë prej 26 lojtarësh të përfshirë në këtë aferë. Por si ka ndodhur që këta futbollistë dhe kokat e basteve kanë trukuar ndeshjet?
Baza siç dihet tashmë ishte në Shqipëri. Menaxheri austriak i lojtarëve bënte ndërmjetësin mes lojtarëve në fushë dhe atyre që hidhnin paratë në Azi. Policia tashmë ka shpërndarë edhe rolet në këtë histori.
Prokurori i çështjes në Austri, zoti Neher, është shprehur dje se skandali është shumë më i madh nga çfarë mendohet. Një skenar i cili duket se ka në qendër dy shqiptarë me bazë në Tiranë që përfitonin nga bastet e paligjshme./Ekskluzive.al
