Mesfushori Elvis Rexhbecaj bëhet futbollist i radhës që refuzon Kombëtaren e Shqipërisë.
Talenti shqiptar tashmë në moshën 21-vjeçare në një intervistë për ‘SportBuzzer’, ka rrëfyer se ndihet gjerman dhe ëndrra e tij është të veshë fanellën e “panzerave”.
“Kur isha dy vjeç, kam ardhur në Gjermani me familjen time. Fillimisht jetonim në Brandenburg, me shumë vështirësi. Për ne fëmijët ishte e lehtë, por për prindërit tanë nuk dukej kështu. Babain nuk e pashë asnjëherë në shtëpi, sepse kishte shumë punë për të bërë. Nuk do e harroj kurrë, teksa shokët tanë i kishin këpucët e reja, ndërsa unë dhe vëllai im nuk e kishim këtë mundësi.
Kur babai na erdhi një ditë me disa këpucë të reja, sa shumë që jemi gëzuar. Po, që kur isha fëmijë së bashku me vëllain tim praktikoheshim duke bërë xhiro me bicikletë.
Paratë po ndikojnë në futboll e kjo më shqetëson edhe mua. Dikur ishim futbollist normal, sot bëhet fjalë për miliona dollarë. Do të ishte ëndërr që të luaja për Gjermaninë. Megjithatë, së pari duhet të kemi vazhdimësi, të tjerat do të vijnë vetë”, shprehet Rexhbecaj.
