Berisha, duket se pavarësisht kundërshtive të dikurshme, sot e vlerëson Fatos Nanon.
I ftuar këtë të enjte në emisionin “Opinion”, i pyetur nga gazetarët, në një krahasim mes Edi Ramës dhe Fatos Nanos, ish-kryeministri është shprehur se ndryshimi mes tyre është si nata me ditën.
“Pavarësisht 1000 problemeve që mund të kishte, Fatos Nano tregoi integritetin e një politikani me rrotacionin”, tha Berisha.
Ndërkohë, ai e cilësoi Ramën si puçist dhe një politikan që nuk ka standard, i cili përdhos Kushtetutën.
Mirëpo analistët e ftuar në panel e zunë ngushtë Berishën duke i thënë se me shumë mundësi kur të largohet Rama, ai do të thotë fjalë të ,mira për të sikurse po bën sot me Nanon.
I kapur keq, Berisha u shpreh me gjysmë zëri se kjo nuk do të ndodhte.
