Teksa e gjithë vëmendja ishte tek zgjedhjet lokale të 14 majit 2023, kreu i Fondit Shqiptar i Zhvillimit, Dritan Agolli, mendjen e kishte aty ku e ka gjithnjë, tek ndarja e parave publike me tendera abuzivë dhe të paracaktuar.
Prapaskena mëson se në 10 maji 2013, Dritan Agolli ka firmosur fituesin e tenderit të dyshimtë me objekt “Ndërhyrje në zona sportive dhe lodra për fëmijë “Dua të luaj” (rajoni 3 dhe 4), me vlerë rreth 4 miliardë lekë.
Ka disa elementë dhe rrethana se pse ky tender dyshohet si korruptiv dhe që duhet të bëjë SPAK-un të luajë vendit, për të vënë nën përgjegjësi penale Dritan Agollin, një nga drejtorët më të korruptuar në Shqipëri, duke arritur që t’i japë paratë publike edhe djalit të tij, përmes shokëve.
Së pari, është përdorur procedura tenderuar ‘e kufizuar’, në mënyrë abuzive, pasi për të rregulluar kënde lojërash dhe zona sportive ka me dhjetëra kompani. Dritan Agolli ka kufizuar konkurrencën, duke shpërdoruar paratë publike.
Së dyti, tenderit karakterizohet nga mungesa e konkurrencës, duke sjellë si pasojë fiktivitetin e procedurës dhe paracaktimin e fituesit, me pazar në tavolinë apo në hollin e ndonjë hoteli, siç edhe ndodh zakonisht.
Së treti, nga këto veprime abuzive të Dritan Agollit dhe çetës së tij të hajdutëve në FSHZH, ka sjellë një diferencë qesharake mes fondit limit dhe ofertës fituese. Fondi limit është 375,000,000 lekë pa TVSH, ndërsa oferta fituese 374,899,189 lekë, pra gati 1 milionë lekë, në një tender me vlerë rreth 4 milionë euro bashkë me TVSH.
Së katërti, në dokumentet e tenderit, ka një paqartësi të qëllimshme për punën reale që duhet të bëjë kompania fituese. Janë kopsitur letrat në atë formë saqë nga ky tender, do të vidhen të paktën 3 milionë euro. Dhe vjedhja këtë radhë po realizohet në emër të fëmijëve.
Ftojmë SPAK dhe BKH-në që të monitorojnë lëvizjet e palëve për shkëmbimin e interesave pas finalizimit të këtij tenderi.
Ka sinjalizime se Dritan Agolli ka marrë 500 mijë euro paraprakisht për të finalizuar këtë tender dukshëm korruptiv. Paratë i ka marrë përmes një personi të besuar, duke i fshehur në një banesë, me qëllim për t’i lëvizur në një moment të dytë.
