Pas lajmit për arrestimin e dy shqiptarëve, pjesë e një grupi kliminal që merrej me trafik droge nga vendet e Amerikes Latine drejt Evropes, dalin detaje lidhur me gjithe asetet dhe pasurinë që iu sekuestrua. Policia ka bërë me dije se “Nga kryerja e veprimeve hetimore u ngritën dyshime të arsyeshme se këta shtetas, të ardhurat e përfituara nga aktiviteti kriminal jashtë shtetit i kanë investuar në pasuri të paluajtshme dhe të luajtshme, në llogari bankare, për vete dhe për familjarët e tyre dhe në disa raste duke i fshehur ato në emra të afërmve”.
Sipas policisë, konkretisht investimin e kane bërë në disa qytete të vendit, e kryesisht në Tiranë.Gjatë gjithë kësaj periudhe, oficerët e Policisë Kriminale të Policisë së Shtetit, nën drejtimin e Prokurorisë pranë Gjykatës së Shkallës së Parë për Krimet e Rënda Tiranë, kane kryer veprime intensive proceduriale, duke perdorur metoda speciale të hetimit dhe pasije speciale per grumbullimin e provave materiale.
Dy shqiptarët e arrestuar në hollin e një hoteli, mendohet se janë edhe bosët e kësaj linje që u zbulua në kryeqytetin spanjoll.
Në pranga ka rënë dhe njeriu i tyre i besuar si dhe 2 shtetasit spanjollë me precedentë të mëparshëm kriminalë. Shtetasit spanjollë do të bënin transportimin e drogës.
Çfarë u sekuestrua
Në përfundim të veprimeve hetimore të kryera në terren, u siguruan prova të pa kontestushme dhe Gjykata e Shkallës së Parë për Krime të Rënda, vendosi sekuestro preventive për llogaritë bankare dhe pasurive të luajtshme dhe të paluajtshme, të shtetasve Arjan Ndoci, Julian Deblini (Bedlini) dhe familjarëve të tyre.
Sot, oficerët e Task Forces Speciale në Departamentin e Policisë Kriminale në Drejtorinë e Përgjithshme të Policisë së Shtetit, ekzekutuan Vendimin e Gjykatës së Shkallës së Parë për Krime të Rënda pranë :
• 3 bankave të nivelit të dytë, te disa llogarive bankare me nje sasi të konsiderushme eurosh.
• Kuotat dhe aksionet e 1 shoqërie tregtare me aktivitet në fushën e ndërtimit.
• 1 Njësie Banimi në pallat
• 8 apartamente, me një siperfaqe ndertimi 905 metro katror.
• 2 njesi tregtare (dyqane) me një siperfaqe prej 280.4 metro katrore.
