Kur Bardhi ishte në SHBA, Flamur Noka, i pyetur për bashkimin e demokratëve, u përgjigj se ishte duke pritur të kthehej Bardhi për ta bërë realitet një gjë të tillë.
Mirëpo, në vend ta priste dhe të diskutonte bashkimin dhe aksionin opozitar, Noka shpalli protestën para Kuvendit, duke e bërë fakt të kryer.
Në fakt, ky ishte mesazh i qartë ndaj Bardhit dhe mbështetësve të tij: ose me ne në Protestë te Kuvendi dhe më pas tek “Rrugica e Salës”, ose shihni punën tuaj.
Një gjë e tillë u duk edhe sot, kur pas mbledhjes së deputetëve të “Rithemelimit”, foli vetëm Flamur Noka dhe si asnjëherë më parë Gazment Bardhi nuk mbajti një deklaratë përpara gazetarëve.
Çfarë të ketë ndodhur, vallë, kur, si për çudinë e të tërëve, sot që ka pasur diskutime dhe debate brenda mbledhjes, nuk u bë asnjë publike, siç ndodh me mbledhjet e tjera?
Është e qartë se Flamur Noka me porosi të Sali Berishës është duke u tallur me grupimin e Gazment Bardhit, të cilët, më shumë se sa realitet elektoral, janë produkt të studiove televizive.
Keep Watching
Surge in Measles Cases in UK Comes Amid Plummeting Vaccination Rate
00:00/00:00
Berisha e di një gjë të tillë ashtu sikurse e di edhe Gazment Bardhi!
Kështu që Bardhit dhe të tijve u ngelet, ose të shkojnë poshtë ballkonit të Berishës dhe të mallkojnë SPAK-un, ose të fshihen kështu pas mbledhjeve dhe në zgjedhjet e ardhshme të marrin aq vota sa mori Kujtim Gjuzi.
