I dërguari special i presidentit Joe Biden për Ballkanin Perëndimor, Gabriel Escobar, është ndalur sërish tek vendimet për sanksione dhe shpallje “non grata të politikanëve nga rajoni si dhe mbështetësit e tyre.
Ai theksoi se do të ndëshkohen me non grata dhe sanksione ekonomike jo vetëm liderët, por edhe kompanitë që i mbështesin financiarisht.
“Sanksionet zbatohen për individë dhe politikanë që duhet të jenë personalisht të përgjegjshëm. Ne i kemi këto akte të gatshme në tavolinë të shoqëruara me mjete, sanksione ekonomike që mund të vendosen kundër liderëve, por edhe ndaj atyre kompanive që i mbështesin ata”, tha Escobar.
Ai ka vijuar vizitën në Malin e Zi ku vazhdon përshkallëzimi i krizës qeveritare dhe mosmarrëveshjet në radhët e shumicës dhe po shtohen zërat për krijimin e një qeverie teknike, e cila do të përgatiste zgjedhjet e parakohshme parlamentare.
