Zv.ministri i Mbrojtjes, Petro Koçi përmes një postimi në rrjetet sociale ka kujtuar sot 29-vjetorin e krijimit të FRESSH.
Teksa bën në panoramë të punës së palodhur të Forumit të Rinisë Eurosocialiste, Petro Koçi shkruan se vetëm me Edi Ramën dhe PS, sot Shqipëria është më pranë se kurrë drejt anëtarësimit në BE.
Postimi i plotë:
15 Janar 1992
Gëzuar ditëlindjen FRESSH!
Si sot 29 vite më parë, me nismën e disa vajzave dhe djemve, studentë e gjimnazistë, të cilët në fillimet e pluralizmit politik në Shqipëri përqafuan vlerat e socialdemokracisë europiane, lindi organizata më madhe politike rinore në Shqipëri:
Forumi i Rinisë Eurosocialist
Misioni i FRESSH ishte dhe mbetet integrimi europian i Shqipërisë. Nuk është aspak e rastësishme që ky orientim i spikatur i të rinjve eurosocialistë shqiptarë, u gdhend edhe në simbolin e parë të FRESSH: një lulëkuqe kuq e zi ????????(simboli i parë i Partisë Socialiste) përkrah 12 yjeve të Bashkimit Europian????????.
FRESSH nuk ishte dhe nuk është vetëm organizata më e madhe politike rinore në Shqipëri për nga numri i anëtarëve ndër vite, por gjithashtu luajti një rol të rëndësishëm në historinë politike të familjes sonë socialiste. Sot FRESSH është një pjesë e rëndësishme e strukturës së Partisë Socialiste në çdo qytet e fshat të Shqipërisë sonë. Vajza dhe djem freshistë janë çdo ditë të angazhuar në shumë inicijativa rinore e plot nisma sociale për t’ju gjendur pranë njerëzve në nevojë apo si vullnetarë të palodhur të Shqipërisë solidare. #tinukdojeshkurrëvetëm. Gjatë ditëve të mbylljes totale për shkak të pandemisë, vullnetarët e FRESSH ndihmuan kudo nëpër Shqipëri, familjet e pensionistëve apo familjet në nevojë me barnat dhe ushqimet bazë.
Partia Socialiste mbetet gjithmonë partia më e hapur dhe më mbështetëse ndaj të rinjve, të cilët shohin sot tek PS të vetmen forcë tranformuese, që mund të përmbushë aspiratën historike të Shqipërisë Europiane. Me Edi Ramën, Partinë Socialiste & FRESSH Shqipëria sot është më pranë anëtarësimit në Bashkimin Europian.
