Kosovarët të kënaqur me Kurtin e Osmanin, të pakënaqur me drejtimin ekonomik e politik që po e merr vendi
Programi i Kombeve të Bashkuara për Zhvillim (UNDP) ka publikuar të dhënat e Pulsit Publik bazuar në intervistat e realizuara gjatë muajit prill 2023. Në leximin e të dhënave të këtij Pulsi Publik vërehet një shpërputhje e madhe në mes pëlqyeshmerisë që të anketuarit kanë treguar për punën e institucioneve të Kosovës, kryeministrit Albin Kurti e presidentes Osmani dhe në mes të opinionit të tyre për drejtimin politik dhe ekonomik të vendit, shkruan Gazeta Express
Në të dhënat që ka publikuar sot UNDP, mesatarisht 45.8 % e të anketuarve janë shprehur të kënaqur me punën e institucioneve qendrore. Kënaqëshmëria me performancën e kabintetit ekzekutiv ka shkuar në 45.8 %
Tutje, kënaqshmëria me punën e kryeministrit Albin Kurti ka shkuar në 51.%, 6.6 pikë të përqindje më lartë se në nëntorin e vitit 2022.
Niveli i kënaqshmërisë me Presidenten Vjosa Osmani ka kapur vlerën 60.3%, krahasuar me 56.8% në nëntor 2022.
Të anketuarit janë shprehur të kënaqur edhe me punën e Kuvendit dhe atë të kryetarit të Kuvendit. Kënaqshmëria me punën e Kuvendit kapi vlerën prej 46.5%, ndërsa kënaqshmëria me kryetarin e Kuvendit të Kosovës ishte 58.3%, raporton Express.
Megjithatë, kjo pëlqyeshmëri për punën e Qeverisë, Kurtit, Osmanit e Konjufcës, nuk reflektohet tek drejtimi politik e ekonomik që po merr vendi.
Numri i atyre që janë shprehur të pakënaqur me drejtimin politik të vendit është jashtëzakonisht i lartë dhe kap vlerën 45.60 %. Pakënaqëshmëria me drejtimin politik që po merr vendi ka shkuar duke u rritur në vazhdimësi që nga viti 2021 kur Qeveria Kurti II ka ardhur në pushtet.
Në nëntor 2021 ka pakënqashmëria ka qenë 33.18 %, në prill 2022 ka shkuar në 42.64 %, në nëntor 2022 në 44.40, dhe prill 2023 është ngritur në 45.60 %, shkruan Gazeta Express.
Ndërkohë edhe numri i atyre që janë shprehur të kënaqur më drejtimin politik të vendit ka shënuar një rënie prej 7 %, nga nëntori 2021 deri në prill 2023.
