Numri 2 i PS, Taulant Balla ka kujtuar sot tragjedinë e Gërdecit. Ndërkohë që sot shënohen 13 vite nga kjo tragjedi që i preku të gjithë, Balla shkruan se fajtorët e vërtetë të sak, Sali Berisha dhe djali i tij Shkëlzeni ende nuk kanë marrë dënimin e merituar.
Balla shkruan se Sali Berisha manipuloi drejtësinë shqiptare, por ajo amerikane ka kërkuar rihapjen e hetimit për krimin shtetëror në Gërdec.
Postimi i plotë:
13 VITE NGA KRIMI SHTETËROR I GËRDECIT
EDHE PSE DREJTËSIA SHQIPTARE KA DËSHTUAR DERI MË SOT TA HETOJË PLOTËSISHT, VENDIMI PAK KOHË MË PARË I DREJTËSISË AMERIKANE KONFIRMOI PËRFSHIRJEN DHE FAJËSINË E SHKËLZEN BERISHËS DHE TË SALI BERISHËS NË MASAKRËN E GËRDECIT
VENDIMI I GJYKATËS AMERIKANE MBETET REFERUES PËR RI-HAPJEN E HETIMIT PËR KRIMIN SHTETËROR NË GËRDEC
Një Gjykatë Apeli në SHBA rrëzoi pretendimet e Shkëlzen Berishës duke u shprehur se faktet e përmbledhura në librin “Armët dhe Çunat” të Guy Laëson dhe ekranizimin “Qentë e Luftës”, të cilat akuzonin Shkëlzen Berishën si i përfshirë në trafik ndërkombëtar armësh.
Shqiptarët e dinë se Shkëlzen Berisha u akuzua publikisht dhe u mor në pyetje në fshehtësi nga prokurorët për këtë çështje, për ngritjen e një magazine të paligjshme demontimi armësh, shpërthimi i të cilës shkaktoi krimin shtetëror të Gërdecit.
Prokuroria asokohe, e vendosur nën thundrën e Sali Berishës, edhe pse me prova, nuk guxoi t’i komunikojë akuzën.
Gjyqtarët amerikanë në vendimin e tyre, kanë konfirmuar Vendimin e Gjykatës së Floridas, duke u shprehur se Shkëlzen Berisha nuk solli prova që rrëzojnë faktet e publikuara dhe “nuk solli argumente të bazuara përmes të cilave të mbërrinte në përfundimin e se gjykata e distriktit (Floridas) abuzoi duke mos i dhënë kohën e duhur për të sjellë provat.”
Ky vendim gjykate edhe pse i karakterit civil, përmban në brendësi indiciet për ri-hapjen e hetimit ndaj Shkëlzen Berishës lidhur me përfshirjen e tij në atë tragjedi të rëndë.
Kliko këtu për të lexuar vendimin.
